ګلزار عالم کابل نه اسلام اباد ته کډه وکړه

ګلزار عالم کابل نه اسلام اباد ته کډه وکړه د پښتو ژبې نوموتی او انقلابي سندرغاړی ګلزار عالم په کابل کې د څو کلونو تېرولو وروسته اسلام اباد ته ستون شو او هلته مېشت شو.نوموړی د ډېر وخت راهیسي کابل کې مېشت وو او دلته ېې سندرې هم ویلې.

ښاغلی عالم څو کاله وړاندې د زاتي ستونزو له امله کابل ته کډوال شوی و، چې خپله کورنۍ يې هم له ځان سره راوستې وه.په پېښور کې مېشت خبریال روښان یوسفزي د ګلزار عالم په اړه ليکلي دي چې نوموړي په افغانستان کې خپله جلاوطني ختمه کړه او بېرته پاکستان ته راغی.روښان یوسفزی وايي، چې ګلزار عالم ورته د پاکستان د پرېښودو په اړه د پښتو لاندې ټپه وویله څوک په رضا د ملکه نه ځي.یا ډېر غریب شي یا د یار د ټسه ځینه.

هغه همدا راز زیاتوي، ګلزار عالم ورته وویل چې د خپلې خاورې او خلکو سره ډېره مینه لري او همدې مینې بېرته راوست. هغه وايي، تر څو چې ژوندی یم همدلته به د خپلې خاورې، خلکو او کلتور خدمت د موسیقۍ له لارې کوم.ګلزار عالم همدا راز دا هم وویل، چې افغان حکومت او افغانانو يې ډېر قدر کړی، هغه او د هغه کورنۍ مېلمستیا يې کړی او ډېر درناوی يې ورکړی.

د ښاغلي یوسفزي په وېنا، ګلزار عالم وویل، چې د پښتو موسیقي له چیلنجونو سره مخ ده او باید د نړۍ سره اوږه په اوږه روانه کړای شي.د یادولو وړ ده چې ګلزار عالم له څو لسیزو راهیسې د پښتو موسیقۍ خدمت کړی دی. نوموړی د انقلابي سندرغاړي په توګه هم پېژندل کېږي او په کوزه پښتونخوا کې د قامپرست ګوند عوامي نېشنل ګوند زیاتره انقلابي سندرې هم نوموړي ویلي دي.

ګلزار عالم کابل نه اسلام اباد ته کډه وکړه
ګلزار عالم کابل نه اسلام اباد ته کډه وکړه

د ګلزار عالم لخوا ویل شوې ترانه “اې زما وطنه د لعلونو خزانې زما” اوس هم د عوامي نېشنل ګوند ترانه ده، چې په هره غونډه او ناسته کې تر هر څه دمخه دا ترانه غږول کېږي او ټول يې په احترام درېږي.عوامي نیشنل ګوند د پختونخوا یو ګوند دی چې اکثره غړی ېې پښتانه دي.

هارون باچا د کرونا مخنیوي لپاره سندره زمزمه کړې ده.

د پښتونخوا د پښتو ژبې مکښ  سندر غاړۍ هارون باچا هم د کورونا ويروس د مخنيوي لپاره ښکلې سندره ویلې  ده او له خلکو يې غوښتنه کړې ده، چې په خپلو کورونو کې کېنئ هغه دغه سندره د کو ر نه په یو ويډیو کې  خپره کړې ده. .

هارون باچا د ډاکټر سیال شعرونه زمزمه کړي دي، تر څو خلکو ته دا پېغام ورکړي، چې د کورونا ويروس د مخنيوي په پار په کورونو کې کېني او ځان او خلک وساتي او د خلکو د ناروغۍ سبب نشي. .

د هغه دغه شعرونه په لاندې ډول ویلي دي.  

زما قرار زما ټکور کېنه، يې مې د دواړو سترګو تور کېنه

لارې کوڅې د کورونو ډکې دي، زما لاليه په خپل کور کېنه

مخ ته دې واچوه يو ماسک د دعا، په جاينماز د خپلې مور کېنه

په خاموشۍ کې به زړه نه تنګوې، زړه له به زر راوړمه شور کېنه

د چين ماچين ښکلي يې رېز مرېز کړل، تا رانه يو نه سي ته کور کېنه

هارون باچا د کرونا مخنیوي لپاره سندره زمزمه کړې ده.

 نوموړۍ همدا راز په خپلو خبرو کې بيا هم له خلکو غوښتنه کړې ده، چې حکومت او د روغتيا نړيوال سازمان کومې لارښوونې کوي، هغه ومنئ او په هغې عمل وکړئ. ځان وساتئ او له ژوند سره مينه وکړئ.

د یادونې وړ د چې هارون باچا د څو کلونو راهیسی په اروپا کې ژوند کوي. هغه سره د خپل فامیله په اروپا کې ژوند کوي نوموړۍ پاکستان پختونخوا ولایت دۍ. .