دهوني د کرکټ څخه د استعفا ورکولو وروسته څه  کار کوي؟

دهوني د کرکټ څخه د استعفا ورکولو وروسته څه کار کوي د اننډیا کرکټ ملي لوبډلې پخواني کپتان، ويکټ ساتونکي او چټک توپوهونکي مهيندرا سينګ دهوني چې روان کال د اګست په مياشت کې يې له نړيوال کرکټ څخه استعفا اعلان کړه اوس يې د چرګانو يو فارم جوړ کړی او دغه بزنس پر مخ وړي.

د انډین ميدیا د راپورونو په وېنا، مهيندرا سينګ دهوني د (کړک نات) نسل د ډېرو نادرو چرګانو يو فارم جوړ کړى دى، چې د داسې دوه زره چرګانو ارډر يې هم ورکړى دى.د (کړک نات) نسل دا چرګان په اصل کې د هند په مدهيه پردېش ايالت په جبوا ولسوالۍ کې پېدا کېږي، له هغه ځايه به ډېر ژر دا چرګان د مهيندرا سينګ دهوني فارم ته چې جهاړکنډ په رانچي کې جوړ شوى دى، ورسېږي. ويل کېږي د دسمبر تر ١٥مې نېټې پورې به دا چرګان د دهوني فارم ته ورسېږي.او خرڅ ته به برابر شي.

کوم چرګان چې به دهوني پر مخ وړي.چرګانو په اړه ويل کېږي، چې د دې چرګانو غوښه ډېره خوږه وي او په دې کې وازګه او کوليسټرول هم بېخي نه وي.د يادولو وړ ده چې مهيندرا سينګ دهوني د هند کرکټ ملي لوبډلې يو تر ټولو کامياب لوبډلمشر تېر شوى دى، نوموړى يوازينى لوبډلمشر دى چې د اى سي سي درې جامونه يې په خپله لوبډلمشرۍ کې ګټلي دي.

هغه په اى پي ايل کې د چيناى سوپر کنګز لوبډلې لوبډلمشر هم دى، خو سږکال د نوموړي په لوبډلمشرۍ کوم کمال ښکاره نه کړ او په ليګ سياليو کې بهر شوه.د چيناى سوپر کنګز لوبډله چې له تېرو اته يا لس کلونو راهيسې پلى اف پړاو ته تلله، په لومړي ځل ورسره داسې کار وشو، چې په ليګ پړاو کې له مخکې تګ څخه بهر شوه.

  1. دهوني د کرکټ څخه د استعفا ورکولو وروسته څه  کار کوي

مهيندرا سينګ دهوني د وروستي ځل لپاره په ٢٠١٩ کال نړيوال جام کې د هند کرکټ ملي لوبډلې لپاره لوبېدلى و.نوموړی د خو اخلاقو خاوند دی او په دې مشهور دی چې نوموړی د هر چا سره نرمه لهجه کې خبرې کوي او هر چا سره غواړي چې ښه انداز کې خبرې وکړي نوموړی د کرکټ په د نیا کې هم ښه لاسته راوړنې لري نوموړی چې به کله د هند لپاره لوبه کوله نو پوره کوشش به ېې کولو چې لوبه وګټي.

مشرانو جرګې د کرېکټ بورډ د مشر ستاینه وکړه

فرهان يوسفزى: غواړو پاتې ټورمنټونه په بریالیتوب سره ترسره شي د ملي کرکټ بورډ ادارې مشر فرهان يوسفزى وبلي، چې شپږيزه کرکټ ليګ او د افغانستان غوره ليګ په برياليتوب ترسره کول د دوى اولیت دۍ

هغه چې پرون يې د کرکټ بورډ له سرپرست اجراييوي رييس جار عبدالرحيمزي او مديرانو سره يې په ويډيويي کنفرانس خبرې لرلې ، ټولو ته يې جدي هدایات وکړل ، چې چارې بايد په خپل وخت او ژر اجرا شي دغه ادارې په يوه خبرپاڼه کې وايي، چې فرهان يوسفزي وويل، کورونا په کرکټ ډېر منفي تاثيرات درلودل، خو اوس اړتيا ده چې د کرکټ بورډ ټول پرسونل او کارکونکي د کرکټ اړوند په ټولو کارونو کې چټکتيا رامنځته کړي، تر څو پلان شوي کارونه پر وخت او برياليتوب ترسره شي.

ښاغلي يوسفزي همدا رنګه وويل، شپږيزه کرکټ ليګ او د افغانستان غوره ليګ په ښه او اساسي بڼه ترسره کول د کرکټ بورډ اولیت څخه دى او موږ به ټولې ممکنه کوششونه پ کار واچوو تر څو دغه دوه مهم ټورنمنټونه په کامیابۍ سره تر سره شي، راپورونو کې ویل شوي دي ، چې د کرکټ بورډ عمومي رييس د مديرانو راپورونه هم واورېدل او د چارو د لا سمون لپاره يې ورته لارښوونې هم وکړې.

ښاغلي یوسفزي زیاته کړه ، چې د روڼتيا د يقيني کولو لپاره به په کرکټ بورډ کې د ده د بنسټيزو اصلاحاتو راوستلو برنامه تر هغو جاري وي، تر څو د افغانستان خلک او کرکټ ليدونکي او مينه وال د يادې ادارې له کارکردګۍ او بشپړې وړتيا ډاډ ترلاسه کړي.

دا هم باید یاده کړو چې کرکټ بورډ څه وخت وړاندې اعلان کړى و، چې شپږيزه کرکټ ليګ به د سپتمبر په مياشت کې ترسره کړي. شپږيزه کرکټ ليګ د سپتمبر په ١١مه پيلېږي، خو بل لوري ته د هند کرکټ بورډ هم اعلان کړى دى چې اى پي ايل سيالۍ به د سپتمر په ١٩مه نېټه شروع کړي،

فرهان يوسفزى:هڅه کوم پاتې ټورمنټونه په بریالیتوب سره ترسره شي
فرهان يوسفزى:هڅه کوم پاتې ټورمنټونه په بریالیتوب سره ترسره شي

افغانستان کې عام وګړيٍ او مينه وال هم باید د صبر نه کار واخلي ترڅو کرکټ بورډ تشویق شي چې دوي سره د خلکو او مینه والو ملاتړ موجود دی څکه که چرته دوي سره د خلکو ملاتړ نه وي نو دا به هم ټورنمنټونه شاته کړي او هم به د مملکت ته تاوان ورسوي افغان دولت باید د دغې اداره سره ملاتړي اووسي ترڅو دغه اداره په ډاډه زړه مخې ته لاړه شي او بورډ پرمختګ وکړي

دایرلینډ خلاف سیریزلپاره افغان لوبډله اعلان شوه.

افغانستان د روان کال په مارچ میاشت کي له ۶ نېټې سره سم د ایرلینډ کرکیټ ملي لوبډلي خلاف درې شل اوریزي لوبي په خپل کوربتوب د هند په ګریټر نویدا کرکیټ لوبغالي کي ترسره کوي.

د افغانستان کرکیټ بورډ د یادو سیالیو لپاره لاندي ۱۵ کسه افغان لوبغاړي اعلان کړل

لوبډلمشر اصغر افغان، ویکیټ ساتونکی رحمن الله ګربز، حضرت الله ځاځی، کریم جنت، نجیب ځدران، ګلبدین نایب، محمدنبي، مجیب الرحمن، راشدخان، سمیع الله شینواری، عثمان غني، شاپور ځدران، قیس احمد، نوین الحق او یو نوی افغان لوبغاړی عضمت الله عمرزی دئ.

عمرزی د لومړي ځل لپاره افغان لوبډلي ته د الراونډر لوبغاړي په حیث راغلئ.نوموړی اوس مهال ۲۴ کلن دئ او تر دې مخکي د افغان ۱۹ کلنو، میس عینک اتلانو، کابل او اتفاق په نامه لوبډلو کي لوبېدلئ دئ.

دی په کورني شل اوریزو ۳ لوبو کي دوې ویکیټي او ۲۲ منډي لري، چي په توپ اچونه کي تېز بالر او د راسته لاس توپ وهونکئ دئ.

عمرزی په تېر ۱۹ کلنو کرکیټ نړیوال جام کي د نیوزلینډ خلاف په ښې لوبي سره د لوبي غوره لوبغاړی انتخاب سوی وو.

د افغان لوبډله خلاف د کرکیټ نړیوالي شورا د لوبو د مهال وېش سره سم ایرلینډ په خپل کوربتوب د مالي ستونزو په بهانه درې شل اوریزي لوبي لغوه کړي وې، خو په بل اړخ کي دا لوبډله د افغان لوبډلي لخوا راضي سوه، چي په هند کي لوبي ورسره وکړي.