اشرف غني:افغانستان څخه د بهرنیوځواکونو وتل په شرطونو دي

د افغانستان ولسمشر محمد اشرف غني وايي، که جېرته  د پایتښت  امنیت ډېر خراب شو نو دۍ به خاصو قطعاتو ته امر وکړي چې کایل کې د امنیت ټینګولو لپاره عملیات پیل کړي.

ولسمشر غني د کابل ښار د پنځمې ناحیې له یو شمېرمشرانو سره لیدنه کې دغه څرګندونې کړي دي
د ولسمشرۍ مطبوعاتي دفتروايي ولسمشرپه دغه کتنه کې څرګنده کړه چې حکومت له زورواکانو او غیر مسوولو وسله والو سره په مبارزه کې جدي دی او د اړتیا پرمهال به د دوی پر ضد د قوې د استعمال او عملیاتو دستورورکړي،

ځکه چې د ولس حوصله پای ته رسېدلې. هغه په ټینګار سره وویل، نور به په پنځمه ناحیه کې زورواکان د خلکو د ځورولو لامل نشي. ولسمشر ویلي ټولې غصب شوې ځمکې له غاصبانو څخه اخیستل کېږي او د کابل والي ته یې لارښوونه وکړه چې په دې برخه کې جدي اقدامات وکړي.

غني زیاته کړه، امنیتي ستونزې باید طبقه بندي او د خلکو د ځورولو، تهدیدولو، وژلو او ټپي کولو د عاملینو د تشخیص لپاره کمېټه ایجاد شي. هغه په ټینګاروکړ  ، دا باید تشخیص شي چې څومره خلک او ولې د وسلې ګرځولو اجازه لري او د وسلو د جواز ورکولو پروسه دې تعلیق شي. دا په داسې حال کې ده چې په دې وروستیو کې په کابل ښار کې د جنايي پېښو زیاتېدو له امله د کابل ښاریانو اندېښنې زیاتې شوي دي.

د یادونې وړ ده د په دې وروستیو کې د کابل امنیت د ډاد وړ نه وو له عامو وګړو به په رڼا ورځ غلاګانې کېدلې او خلک به ویشتل کېدل . عام وګړو ته د امنیت ټینګېدل د بل هر څه مهم دي ټول ولس د امنیت قوي ساتلو لپاره د جدیت نه د کار اخیستو غړښتنه کوي تر څو دوي په عامه فضا کې ژوند وکړي.

په دې وروستیو کې د کرونا په نوم د خلکو معاینه کولو لپاره خلک د عامو وګړو کورونو ته ننوزي کورونو نه غلاګانې او کورونه چور کوي.

بي بي سي : طالبانو د افغانستان ډېری ښارونه نیولي

افغانستان کې د ملګرو ملتونو مرستندویه دفتر یا «یوناما» او اروپايي ټولنې د طالبانو لخوا د “اورکم” مودې د غځېدو غوښتنه کړې ده.

په افغانستان کې د امریکا او طالبانو ترمنځ د سولې تړون لاسیکېدو په هدف د کب له ۳ ـ ۹ پورې د تاوتریخوالي کمېدو باندې هوکړه شوې وه.

افغان چارواکو تېره شپه په زابل او کندهار ولایتونو کې پر افغان سرتیرو د طالبانو د بریدونو خبر ورکړی دی.

طالبانو تر دا مهاله یوازې د هلمند ولایت په ګرشک ولسوالۍ کې پر افغان پولیسو د برید پخلی کړی دی.

په افغانستان کې د اروپايي ټولنې استازي رولاند کوبیا بیا پر خپل ټویټر لیکلي: “که چیري د طالبانو لخوا د بریدونو پیلېدل تائید شي،دا به د هغه تړون له روحیې خلاف وي چې په دوحه کې لاسلیک شو، دا د دې وخت نه دی، بلکې د باور رامنځته کولو مرحله ده چې په رغنده ډول پر مخ ځي

په افغانستان کې د ملګرو ملتونو مرستندویه دفتر یا «یوناما» هم «بین الافغاني» خبرو ته د زمینې برابرېدو په هدف د اور کم مودې غځېدو غوښتنه کړې ده.

پرون سې شنبه د کب ١٣ یوناما په دې اړه پر خپل فېسبوک لیکلي: “د طالبانو د نظامي عملیاتو د بیا پیل کیدو په تړاو له رپوټونو وروسته، ملګري ملتونه د اور کم د دوام غوښتنه کوي، ترڅو د بین الافغاني خبرو اترو د پیل لپاره مناسب چاپیریال ته زمینه برابر شي چې دا چاره بیا د دایمي اوربند او دوامداره سیاسي جوړجاړی لامل شي.” پر همدې مهال د افغانستان د کورنیو چارو وزارت یوې سرچینې د نوم او غږ نه خپرېدو په شرط امریکا غږ ته وویل چې د تېرې شپې راپدېخوا په څو ولایتونو کې طالبانو پر افغان امنیتي ځواکونو بریدونه کړي چې مرګ ژوبله هم لري