اشرف غني د مسعود او رباني د تلین نمانځلو لپاره کمېسیون ګمارلی

ولسمشر غني د شهید اونۍ، د هیواد د ملي اتل احمد شاه مسعود د شهادت د نوولسم تلین او د سولې شهید پروفیسور استاد برهان الدین رباني د شهادت د نهم تلین د درناوي مراسمو لپاره کمېسیون وګوماره دغه کمیسون به د احمدشاه مسعود او نورو تلینونو لمانځلو په ورځ د امنیت ټینګښت په خاطر اقدامات وکړي

دهېوادجمهوررئیس محمد اشرف غني د یو حکم له لارې د شهید اونۍ، د هیواد د ملي اتل احمد شاه مسعود د شهادت د نوولسم تلین او د سولې شهید پروفیسور استاد برهان الدین رباني د شهادت د نهم تلین د درناوي مراسمو لپاره لس کسیز کمېسیون وګوماره. د دې حکم پر بنسټ د ملي دفاع وزیر اسدالله خالد په مشرۍ د افغانستان اسلامي جمعیت ګوند رئیس سید عنایت الله شاداب، د جمهوري ریاست د دیني چارو سلاکار مولوي عنایت الله بلیغ، د مسعود بنسټ رئیس احمد ولي مسعود، د کورنیو چارو وزارت ستر امنیتي مرستیال،

اوهمدارازد مارشال محمد قسیم فهیم بنسټ رئیس ادیب فهیم، د اطلاعاتو فرهنګ وزارت نشراتي معین، د کابل امنیه قوماندان، د لوړپوړو مقاماتو د ساتنې او امنیت عمومي رئیس، د کابل د ملي امنیت رئیس او د ملي راډیو ټلویزیون عمومي رئیس د یاد کمېسیون غړي دي. جمهوررئیس محمد اشرف غني په دې حکم کې کورنیو چارو وزارت، ملي امنیت عمومي ریاست او د کابل د ګډو ځواکونو قومانداني مکلف کړي چې د دغو مراسمو امنیت ټینګښت لپاره ځانګړي پاملرنه وکړي

د کابل حکومت مشر «اشرف غني» د پخواني جګړه مار  «احمد شاه مسعود» او د سولې عالي شورا د پخواني رییس «برهان الدین رباني» د تلین د نمانځلو لپاره له لوړ پوړو امنیتي او ملکي چارواکو ترکیب شوی لس کسیز کمېسیون ګمارلی.

دیادونې وړده چې احمد شاه مسعود چې د شمال له مشهورو جنګي قوماندانانو څخه وو؛ پلویان يې هر کال د دهغه د تلین په مناسبت په وسلو پوښلي کابل ښار ته راوځي، هوایي ډزې کوي او زیاتره وخت کابل ښاریانو ته مرګ نقصان وراوړوي او ان کرګ ېوبله هم پکې کيږي.

جمهور ریس غني د مسعود او رباني  تلین لمانځلو لپاره اسدالله خالد په مشرۍ  کمېسیون وټاکه
جمهور ریس غني د مسعود او رباني تلین لمانځلو لپاره اسدالله خالد په مشرۍ کمېسیون وټاکه

اوس پورې څرګنده نه ده، چې د مسعود پلویان به د پورته منظور شوي کمېسیون تر سترګو لاندې هم  خپلې پخوانۍ کړنې کوي او که به په سوله ییز ډول د مسعود تلین نمانځي . عام وکړي په دې اړه سوشل ميډيا کې وايي چې باید دا تلین په امن کې ولمانځل شي. ځکه هر کال دويي ټول کابل په مخه اخلي او عام وګړو ته مشکلات جوړوي چې دا د افغانانو سره زیب نه کوي په دې اړه بازې خلکو لیکلي چې دويي په دې ورځ پرځاۍ ددې چې دا ورځ په امن امان کې ولمانځي دوي د ځان نه لنډغران جوړوي او او د ټول کابل امنیت خرابوي،

جمهورریس غني د ښځو عالي شورا د جوړولو فرمان صادرکړ

جمهورریس غني د ښځو عالي شورا د جوړولو فرمان صادرکړ ولسمشر غني د اساسي قانون د څلور شپېتمې مادې له حکمونو سره سم، د ښځو عالي شورا د جوړولو فرمان ورکړۍ د کوم له مخې چې به ښځو لپاره یو عالي شورا جوړه شي

د ښځو چارو وزارت سرپرستې حسينه ساپۍ په خپله پاڼه ليکلي دي، چې دغه شورا چې د ښځو ځواکمنېدل، د ښځو د حقونو د تامين او پراختيا په اړه د کورنيو او نړيوالو شريکانو ترمنځ همغږي، پالېسي جوړونه، د ښځو د حقونو په تړاو د نړيوالو تعهداتو تعقيب او تطبيق او د چارو ارزونه يې اساسي موخې دي، مشري به يې د فرمان پر اساس خپله ولسمشر غني کوي

د سرچینې له مخې ، په فرمان کې د ښځو عالي شورا د دارالانشاء مسووليتونه د ښځو چارو وزارت او د جمهوري رياست د چارو ادارې لوى رياست ته ورکړل شوې د فرمان پر بنسټ د ولایتونو د ښځینه مرستیالانو، د ښځینه حقونو مدافعینو او مدني ټولنو په ګډون د شپږ ویشتو دولتي او نادولتي ارګانونو استازي به د ښځو د عالي شورا برخه وي دې سره به د هرې ادارې لخوا د دغه ادارې د ښځو نماینده شتون ولري او د دويي د حقوقو لپاره به اواز هم اوچت کړۍ شي،

دا هم باید یاده کړو ، له کله راهيسې چې حسينه ساپۍ د ښځو چارو وزارت سرپرسته ټاکل شوې ده، دا دويم داسې ستر اقدام دۍ چې د ښځو لپاره ترسره کېږي.له دې وړاندې بيا د ولسمشر غني په مشرۍ د افغانستان کابینې دا پرېکړه ړې وه، چې د هېواد ټولو ٣٤ ولايتونو ته به د واليانو ښځينه مرستيالانې هم ټاکل کېږي، تر څو د ښځو ونډه په دولت کې ډېره شي،

تر ډېره دغه پرېکړه عملي هم وه او يو شمېر ولايتونو ته د واليانو ښځينه مرستيالانې ټوټاکل شوې او ځينې ولايتونه لا هم پاتې دي، چې ښځينه مرستيالې واليانې نه لري، خو ويل کېږي چې ښايي پاتې ولايتونو ته هم ډېر ژر ښځينه مرستيالې واليانې وګمارل شي او د ولسمشر غني شوې ژمنه بووره شي،

جمهورریس غني د ښځو عالي شورا د جوړولو فرمان صادرکړ
جمهورریس غني د ښځو عالي شورا د جوړولو فرمان صادرکړ

بازې ادارې او ټولنې چې د ښځو د حقونو لپاره کار کوي او خپله ښځو د ولسمشر غني دا وروستى فرمان چې د ښځو عالي شورا دې جوړه شي،ستاینه کړې ده او ویلي ېې دي چې دې کار سره به افغانستان کې نور هم ښځو ته حقوق ډېرشي ځکه پخوا په افغانستان کې د ښځو حقوقو لپاره دومره کار نه وو شوۍ خو اوس ورته د نړیوالو ادارو ترڅنګ دولت هم ځانګړې پاملرنه کوي،