افغان دولت: بازې مطرح طالبان کابل ته رارسېدلي

ارګ د سټراتیژیکو اړیکو د ادارې مشر ښاغلي وحید عمر په خپل تازه ټویټ کې ویلي چې د کرونا ویروس له خپرېدو د مخنیوي په پار په ټول هېواد کې ټولې سپورټي او تفریحي سیالۍ تر نامعلومې نېټې پورې بندې دي.

د نړیوالې وبا (کرونا) د خپرېدو په لړ کې نن شنبې په دریو ولایتونو (سمنګان، بلخ او کاپیسا) کې دری نورې مثبتې پېښې ثبت شوې دي، چې له مخکینیو هغو سره یې شمېر لسو ته ورسېد. بلخ کې به هر کال د نوي لمریز کال پیل په نوروزي جشن سره کېده چې د کابل په ګډون به له هیو شمېر نورو ولایتونو نه هم خلک د جشن لپاره ورتلل خو سږ کال د کرونا د مخنیوي او نه خپرېدو له امله نه ترسره کېږي.

د بلخ ولایتي چارواکي وایي چې په دغه ولایت کې ښوونځي، پوهنتونونه، په هوټلونو کې پروګرامونه او غونډې منع شوې دي او همداراز ایران او هند ته هم الوتنې هم لغوه شوې دي. دا په داسې حال کې ده چې تېره ورځ په ارګ کې هم د کرونا ویروس د مخنیوي په موخه د عبدالله مزاري د تلین نمانځه هم لغوه شوه.

د عامې روغتیا وزارت وایي چې په ټول هېواد کې له ۱۸۱ پېښو څخه یې یوازې لس هغه مثبت ثبت شوې دي او پاتې ۱۷۱ نورې چې د پکتیا، ډایکونډي او پروان څخه وې، منفي ښودل شوې دي. ویل کېږي اوس مهال هم ۵۲ نورې شکمنې پېښې په لابراتوارونو کې معاینه کېږي، څو معلومه شي چې مثبت او که منفي دي.

په افغانستان کې د کرونا له امله تر دې دمه د کومې مړینې پېښه نه ده ثبت شوې خو ویل کېږي هره ورځ له ایران څخه زرګونه افغان کډوال را ستنېږي چې دې حالت د ټولو افغانانو اندېښنې زیاتې کړې دي. که څه هم ایران ته د دغه وژونکي ویروس د ورتګ په لومړي پړاو کې افغانستان له ایران سره ټولې پولې وتړلې خو بیا یې بېرته د افغان کډوالو د را ستنېدو له امله خلاصې کړې.

د کډوالو چارو وزارت د معلوماتو له مخې هره ورځ له اوو تر لسو زرو افغان کډوال هېواد ته را ستنېږي، خو دا نه دي ویل شوي چې دوی له راتګ سره معاینه کېږي او کنه. افغانستان یو بېوزله هېواد دی چې په ډېری ولایتونو او لرې پرتو سیمو کې لومړنیو روغتیایي آسنتیاوو ته هم لاسرسی نشته خو له ایران څخه را ستنېدونکي کډوال هماغه لېرې پرتو سیمو ته ځي چېرته چې د روغتیا پالنې هېڅ څرک نه لیدل کېږي.

په ایران کې تر لسو زرو زیات کسان په کرونا ویروس اخته شوي دي چې کابو ۵۰۰ کسان یې وژلي هم دي.

وزارت مالیه:تېرودوواونیوکې عواید زیات شوي

د ماليې وزارت په يوه پرېکړه کې ويلي دي چې له دې وروسته به د اجراييه رياست ته يوه افغانۍ هم ور نه کړي او اجراييه رياست ته چې به کومه بوديجه ځانګړې کېده، هغه يې لغوه کړې ده.

پرون د ولسمشر غني له لوري په يوه خپور شوي فرمان کې اجراييه رياست لغوه اعلان شو او همدا راز ټولو ادارو ته هم لارښوونه شوې وه چې د اجراييه رياست له لوري هېڅ مکتوب ونه مني، د ماليې وزارت هم دا پرېکړه د دغه فرمان تر خپرېدو وروسته کړې ده.

سېحون وېبپاڼې د يوې سرچينې په حواله ليکلي دي، چې ماليې وزارت د اجراييه رياست بوديجه لغوه کړې ده او نورو به اجراييه رياست ته يوه افغانۍ هم ور نه کړي.

خو بل لوري ته پرون ځان بللي ولسمشر عبدالله عبدالله هم يوه اعلاميه خپره کړې وه چې په هغې کې يې ويلي و، چې له نن نه وروسته پخوانى ولسمشر محمد اشرف غني ولسمشر نه دى، ځکه چې د ملي يووالي حکومت پاى ته رسېدلى دى.

هغه همدا راز ليکلي و، چې د اجراييه رياست کارکونکي دې خپل کار ته د نور کله په څېر ادامه ورکړي او هغه به د يو فرمان له لارې نوى اجراييه رييس ژر اعلان کړي.

دا په داسې حال کې ده چې پرون د عبدالله عبدالله دويم مرستيال سعادتي سپېدار ماڼۍ ته هم نه و پرېښودل شوى او ځينو سرچينو ويلي و چې د ولسمشر غني لومړى مرستيال امرالله صالح غواړي په سپېدار ماڼۍ کې خپل دفتر جوړ کړي.د سرچينو په وېنا، چې امرالله صالح ولسمشر غني ته ويلي و، چې هغه پوهېږي چې عبدالله عبدالله او د هغه ډله په څه ډول له سپېدار ماڼۍ څخه وباسي