ولسمشرغني: دشپږ نیموبجو د جلسو فرهنګ به  ټولو ادارو کې الزامي شي

ولسمشرغني:د شپږ نیموبجو د جلسو فرهنګ به ټولو ادارو کې الزامي شي.د افغانستان د اسلامي جمهوریت جمهوررئیس محمد اشرف غني پرون سهار د جمهوري ریاست د لومړي مرستیال امرالله صالح دفتر کې د شپږنیمو بجو ځانګړې غونډه کې ګډون وکړ.

په سر کې د جمهوري ریاست لومړي مرستیال امرالله صالح جمهوررئیس ته د ښه راغلاست پرمهال وویل، ستاسو راتګ د کابل ښار د امنیتي ځواکونو او مسوولینو د انګېزې او هڅونې لامل کېږي. همدارنګه یې د شپږنیمو بجو د غونډو د شېوې په اړه هم معلومات ورکړل.ورپسې د کابل امنیتي مسوولینو، کابل ښاروالۍ، لویې څارنوالۍ، کورنیو چارو وزارت، ترافیکو ریاست او د کابل امنیتي تړون مسوولینو او استازو چې د شپږ نیمو بجو غونډو غړي دي له جمهوررئیس سره د خپلو کړنو او لاسته راوړنو ترڅنګ په اړوندو برخو کې خپل پلانونه وړاندې کړل.

ولسمشرغني د دغو معلوماتو او راپورونو له اورېدو وروسته د قانون ماتونکو پر وړاندې د شپږنیمو بجو غونډو لاسته راوړنې او شېوه وستایله او د هغو پر دوام یې ټینګار وکړ. د شپږ نیمو غونډې به نه یوازې ونه ځنډېږي، بلکې ډېر ژر به د ځانګړې امریې له لارې د شپږ نیمو بجو د غونډو فرهنګ د ټولو ولایتونو امنیتي تړونونو او ورپسې ټولو ادارو کې الزامي شي.

د افغانستان جمهوررئیس د کابل ښار امنیت کې د ټولو د هلو ځلو او پرمختګ قدرداني وکړه او وې ویل، پلازمېنه باید خوندي ځای وي. کابل ښاریان باید د دښمنانو پر وړاندې چې د جمهوریت د ټولو ارزښتونو او ازادیو پر وړاندې جنګېږي بسیج او د امنیت او نظم په تامین کې د وطندارۍ حق ادا کړي. هغه زیاته کړه، د کابل شپږ نیمو بجو غونډو څخه مننه چې دا چوکاټ او ډیسپلین یې ایجاد کړی دی.

د هیواد جمهوررئیس همداراز لویې څارنوالۍ ته لارښوونه وکړه چې دوسیې دې پر وخت تعقیب او تر دوران لاندې دوسیو د ارزونې او پرمختګ سنجولو لپاره باید واضح روش رامنځته شي. هغه زیاته کړه، د عدالت تامین زموږ اساسي کار او په دې برخه کې شجاعت او قاطعیت ته اړتیا ده.

ښاغلي ولسمشر د خپلو خبرو په پای کې د شپږ نیمو بجو غونډو د غړو د لاسته راوړنو ستاینه وکړه او وې ویل، ستاسو په وړاندیزونو او غوښتنو دقیق غور کېږي. هغه زیاته کړه، په ډېرو مواردو کې د جمهوري ریاست لومړی معاونیت صلاحیت لري چې ستاسو ستونزې حل کړي.هېره دې نه وي چې د شپږنیمو بجو غونډه هره ورځ د امرالله صالح په مشری تر سره کیږي او امنیتي مسولینو ته پکې مختلف لار ښوونې کیږي

امرالله صالح او د سولې پروسې کې خنډ

 دهېواد د جمهور ریس اول معاون امرالله صالح وايي چې طالبان کوشش کوي د افغان دولت له خوا د سولې د مذاکراتي ټیم ټول غړي‌ له منځه یوسي، نوموړۍ وايي که بریدونه دوام وکړي نو دا به د سولې په پروسې بداغیز وکړي

ښاغلي صالح پر فوزیه کوفي‌ حمله د طالبانو له لوري بللی او ویلي یې دي چې که د طالبانو وس ورسیږي‌ د مذاکراتي ټیم ټول غړي به ختم کړي او وبۍ وژني، د سولي د مذاکراتي‌ ټیم غړې فوزیه کوفي‌ د کابل ـ پروان پر لویه لار د تېري ‌جمعې په ماذدیګرد کابل په قرباغ ولسوالۍ کې په وسله وال برید کې ټپي شوه او اوس یې روغتیايي ‌حالت دډاډ وړ دۍ، پر فوزیه کوفي برید تر اوسه هیڅ یوې ډلې نه دی منلی، خو دافغانستان د حکومت لمړی مرستیال امرالله صالح هڅه کوي‌چې دا موضوع راښکاره کړي خو ښايي داسې کړنو سره د سولې خبرو ته زیان ورسیږي.‌

داسي‌ یوه مهم وخت کې له پلټنو پرته د جګړې پر بل لوري د وژنو، بریدونو او تاوتریخوالي تورونه پوري کول د ډېرو په اند د سولي پروسه اغېزمنه کولۍ شي، ‌د هېواد اکثره چارواکي، وکیلان، سناتوران، والیان او وسله وال قوماندانان خپلمنځي بدۍ او سیاسي رقابتونه هم لري چې هم مهاله له یوبل سره د د مرګ پورې زي، ‌

همداراز د وسله والو طالبانو اکثره مشران هم له یوبل سره ورته چلند ککوي ؛ خو د سولي په دې حساسو شرایطو کې د حکومت او طالبانو له لوري یو پر بل تورونه پوري کول د دواړو لورو او په لویه کې د افغانستان په نقصان ده، په دې مونږ ټول پوهېږو د سولې موضوع اوس په افغانستان کې تر بل هر وخت نېژدې شوې او طالبان او افغان دولت ه له یوبل سره خپلمنځي‌ خبرې پیلوي، خو په دې وخت کې هر افغان چارواکي او طالب مشرانو ته په کار دي چې له بې بندو باره خبرو خپرولو نه زان وساتي ځکه دا نه د هېواد په خیر دۍ او نه د خلکو په خیر دۍ،

د سولې لپاره د امریکا ځانګړي استازي زلمي خلیلزاد د سولې مرکچي پلاوې پر غړې فوزیه کوفي وسلوال برید غندلی او دا ناځوانه کړنه د هغه چا کار ګڼي، چې غواړي د سولې روان بهیر وځنډوي او ګډوډ یې کړي.هغه ویلي د سولې پروسې ته نقصان ورکول د هيڅ چا په خیر ندۍ نو باید داسې کړنو څخه ډدوشي،ترڅو د سولې لپاره دا شته فرصت له لاسه ورنکړو،

دامریکا ځانګړي استازي ویلي، چې میرمن کوفي د سولې په بهیر کې یو اوریدونکی غږ دی؛ ځکه، چې هغه تل د ښځو د حقونو پیاوړې ساتونکې پاتې شوې ده.نو داسې مېرمن باندې برید کول هيڅ چاته د منلو وړ ندۍ باید داسې کړنو ډډه وشي او دوښمن ته دا فرست ونکړۍ شي چې دې پروسې ته بهانه جوړه کړي او بیا خداۍ نا خواسته لغوه شي،

د ژورنالستانو په وینا په وینا چې امرالله صالح که پر فوزیه کوفي‌ د طالبانو د برید اسناد لري‌ډاګیز دې کړي‌؛ که نه نو د خپل واک د غځولو په موخه دې د سولي د پروسې د ځنډولو هڅه نه کوي.‌ځکه دا اوسمهال یو عالي فرست دۍ باید ټولې خواوې ترېنه ګټه پورته کړي ترڅو د سولې داشته فرست بیا له لاسه ورنکړي او هېوادوال د یو باعرته سولې شاهدان اووسو ځکه افغانستان کې بردۍ جنګ دۍ او ټول هېوادوال اوس غواړي چې دا جنګ ختم شي او افغانستان ته سوله راشي،