حمدالله محب: دسولې د هڅو تر څنګ جګړې ته هم دوام ورکوو

حمدالله محب: دسولې د هڅو تر څنګ جګړې ته هم دوام ورکوو. دوحه کې د طالبانو او کابل د مذاکراتي ټيم تر منځ خبرې رواني دي؛ د کابل حکومت د ملي امنیت شورا سلاکار «حمدالله محب» وایي، حکومت د سولې د هڅو تر څنګ له طالبانو سره د جګړې هم کوو ځکه د ولس دفاع زمونږ مسولیت دی .

محب د بي بي سي له انګلیسي څانګې سره په خپله تازه مرکه کې ویلي، چې د سولې هڅې او جګړه به یو ځای روانه وي ځکه دده په خبره، تر هغو چې طالبان د جګړې په ډګر کې ځپل شوي نه وي، هغوی سولې ته غاړه نه ږدي « که طالبانو په شا ونه تمبوو، هغوی سولې ته نه حاضرېږي، په اوسني وخت کې هم طالبان وخت وژنه کوي، هغوی فکر کوي چې د امریکايي ځواکونو له وتلو وروسته به امنیتي ځواکونه دهغوی په وړاندې را وپرځېږي او حکومت به سقوط وکړي.»

اړونده خبرونه: د افغان عسکرو او نظامي سکتور سره د امریکا ملاتړ دوام کوي

نوموړي همداراز ویلي.چې طالبان د حکومت د ځواکونو په جنګي مهارتونو باور نه لري او د هوايي بریدونو په مهال فکر کوي چې بهرنیان د حکومت له عسکرو سره مرسته کوي؛ خو د محب په خبره، دا فکر سم نه دی.نوموړي ددې تر څنګ له افغانستانه د امریکایي ځواکونو وتل یقیني بولي او دده له قوله، په امریکا کې ټول اوس دې پایلې ته رسېدلي چې عسکر باید له افغانستانه ووزي

د هېوادد ملي امنیت شورا سلاکار «حمدالله محب» وایي،د سولې د هڅو تر څنګ له طالبانو سره هم جګړه روانه ساتي؛ ځکه دده په خبره، هغوی له ځپل کېدو پرته سولې ته نه حاضرېږي.د محب په خبره، طالبان د عسکرو په جنګي مهارتونو باور نه لري او فکر کوي چې عسکر د بهرنیانو په مټ هوایي بریدونه کوي

د ښاغلي محب له لوري د جګړې پر دوام ټینګار داسې مهال دی، چې د طالبانو او کابل مذاکراتي ټیمونه په قطر کې د خبرو مېز ته ناست دي او په دوران کې يې حکومت په بیا، بیا  طالبان تورنوي چې اوربند نه غواړي او جګړه یې روانه ساتلې.ورته مهال طالبان بیا وايي، چې دوی غواړي د مؤقتي اوربند په ځای د افغانستان جګړه په اساسي ډول ختم شي.

افغانستان کې هدفي وژنې اوج ته رسېدلی

هلمندیان: د جګړې دواړه لورې دې سولې ته هڅې وکړي په ولسي جرګه کې د هلمند د خلکو استازو، د هلمند ولایتي چارواکو، دیني عالمانو، مدني فعالانو، ځوانانو او د هلمند ولایت ښاریانود یوې لویې غونډې کې د جګړې له دواړو لوریوغوښتنه کړې چې سولې ته دې دواړه لورې هڅې زیاتې کړي،

دغه غونډه کې د مشرانو جرګي وکیل او د هلمند د خلکو استازي محمد هاشم الکوزي، د دغه ولایت د خلکو ته د حقونو پر ورکړې او دفاع ټیګار وکړ او د جګړې پر دواړو لوریو یې غږ وکړ، چې د سولې په لار کې پراته خنډونه دې ختم کړي او بین الافغاني مزاکرات دې پیل کړي هغهوویل د سولې لپاره دې کوششونه نور هم باید ګړندي شي، هغه د هېواد پر ټولو قومونو غږ وکړ، چې د سولې لپاره دې سره منسجم شي او یواتفاق دې وکړي،

الکوزي پردلت هم غږ وکړ چې د قانون په چوکاټ کې دې هلمندیانو ته وظيفې هم ورکړل شي.د دغه غونډې ګډونوالو د خبرو پر مهال پر جمهورریس غني غږ وکړ، چې د سولې لپاره دې د مشورتي لویې جرګې پر ټولو فیصلو عمل وکړي او د هلمند خلک به د سر په بدله د سولې غوښتږنکي دي او د سولې لپاره له ټولو مثبتو اقداماتو ملاتړي دي هغه دا هم وویل چې هلمندانو دسولې لپاره قربانیانې ورکړي دي باید د دوي قربانیو قدرداني وشي،

د دغه ولایت خلک وايي د هېواد په لسیزو جګړو کې د هلمند خلکو خورا ډېره قرباني ورکړې او اوس یې وخت دی، چې هلمندیانو ته یې قانوني حقونه ورکړل شي.غونډه کې د هلمند والي تورن جنرال محمد یاسین خان د هلمند ولسونو ته ډاډ ورکړ، چې د دوی ستونزې به له ولسمشر سره د حل په موخه شریکې کړي او تاسو ته به د یو نتیجې سره بېرته رجوع کوم

نوموړي وویل د سولې لپاره د دوولت دریځ روښانه دی، د سولې لپاره د طالب زندانیانو خوشې کول د ولسمشر په واک کې دي خو خوشې کول به یې لږ وخت اخلي هغه وویل چې اوس وخت کې باید له صبر نه کار واخیستل شي او ډېر په دقت سره د سولې خبرې مخې ته لاړ شي، نوموړي زیاته کړه که خدای نه خواسته موږ یو داسې سولې ته ورېږو چې یو بل جنګ پیل وشي دا به بیا ټولو خواو ته ډېر غټ نقصان وکړي او افغانستان به بیا د بد بختیو نه ډک کړي،

هلمندیان: د جګړې دواړه لورې دې سولې ته هڅې وکړي
هلمندیان: د جګړې دواړه لورې دې سولې ته هڅې وکړي

د هلمند خلک داسې مهال د سولې په موخه سره را غونډشوي چې د سولې خبرې له یوې نېټې بلې ته بیا ځنډیږي او د سولې د خبرو پر وړاندې لا هم بازې مشکلات موجود دي ، خو افغان دولت وایي دوی ټول خنډوده لېرې کړي او طالبان دې خبرو ته راسره کیني ، د دواړو لوریو له خوا تر ټولو ستر شرط د بندیانو ازادول دي چې اوس د بندیانو د ازادولو پروسه ځنډ سره مخ شوې ده،