ظریفه غفاري د ‘زړورو ښځو’ جایزه وګټله

د افغانستان د میدان ښار ښارواله ظریفه غفاري د امریکا د بهرنیو چارو وزارت د سږکال زړورو ښځو جایزې ګټونکې اعلان شوې ده.

نوموړې په ۲۶ کلنۍ کې د میدان وردګو د میدان ښار ښارواله وټاکل شوه. اغلې غفاري کابل کې اوسېدلې ده. ښوونځی یې کابل کې پیل کړی او پکتیا ولایت کې یې پای ته رسولی او په هند کې یې اقتصاد کې لیسانس لوستی دی.‌

ظریفه غفاري هند کې له لوړو زدکړو وروسته افغانستان ته ستنه شوې او د “افغان ښځو د پرمختګ همکارۍ” په نامه بنسټ او د “پېغلې” په نامه راډیو یې میدان وردګو کې پیل کړه.‌ نوموړې دوه کاله د ځوانانو د پارلمان غړې وه.

اغلې غفاري په ۱۳۹۷ کال کې د ازادې سیالۍ له لارې د میدان ښار د ښاروالې په توګه غوره شوه.

رسنیود ۲۰۱۹ کال لپاره د نړۍ له ګوټ ګوټ نه د سلو الهام بخښونکو او اغېزناکو ښځو نوملړ خپور کړی دی. په دې نوملړ کې له افغانستان د میدان وردګ ولایت د مرکز میدان ښار د ښاروالې ظریفې غفاري نوم هم راغلی دی.

د امریکا د بهرنیو چارو وزارت هرکال د زړورو ښځو په نامه جایزه د نړۍ هغو ښځو ته ورکوي، چې تر ډېره د سولې، عدالت، بشر حقونو، او په خپل هېواد کې د ښځو د رول ډېرولو او جنسیتي برابرۍ په برخو کې فعالیت کوي

د یادونې وړ ده چې یاد مېډال د امریکا د و خارجه وزیر لخوا ورکړلشوئ دغه غونډه امریکا د متحده ایالاتو په خارجه وزارت کې جوړه شوې وه  

اغلې غفاري د ښاروالې په شمول حکومت کې په مختلفو بستونو کار کړئ ویل کيږي نوموړې د محصلئ دوره کې هم ډېره لایقه وه او په خه نمرو کامیابېده او درس او تدریس سره  یی ډېره علاقه ده.  .

سلمان خان د خپلو هيوادوالو زړونه وګټله

د سينما اداکاران په نړيواله کچه د خپلو مينوالو ډير خيال ساتي خو دا ځل يې ا د خپلو هيوادوالو زړونه وګټله.

د هندوستان ټايمز د راپور له مخي سلمان خان د پاکستانيانو له لوري په هغه پروګرام کي چي په ځانګړي ډول دده لپاره جوړ سوی وو د ګډون څخه انکار وکړ.

پروګرام د يو پاکستاني فعال ريحان صديقي له لوري د امريکا متحده ايالاتو په هوسټن کي ترتيب شوئ وو او صديقي هغه شخص دی چي د هندوستان پر ضد فعاليتونو تمويل کوي.

د باليووډ هنګامه د راپور له مخي تر دې وړاندي هم سلمان خان د خپل هغه فلم څخه چي اوس ريليز سوی د پاکستاني سندرغاړي څخه د سندرو ويلو حق واخيستی.

په لومړيو کي داسي تړون سوی وو چي راحت فتح علي خان به د ډبنګ۳ فلم دوې سندري وايي خو کله چي د هند او پاکستان ترمنځ کړکيچ ډير سو او اړيکي خرابي سوې سلمان خان او ټول ټيم دا پريکړه وکړه چي راحت به سندري نه وايي او پرځای به يې بل کوم سندرغاړی انتخاب کړي.

د هند او پاکستان خبري چي کله راځي نو د دواړو هيوادونو وګړي يې په اړه جزباتي کيږي،د خپل ګاونډي هيواد پر ضد شعارونه ورکوي او څومره چي يې وس وي هغومره يې تخريبوي.

تېرکال چي کله د هند او پاکستان ترمنځ په کشمير کي تر چاودني وروسته اړيکي زښتي خرابي سوې د هندوستان پخواني کريکټر او د کپيل شرما د شوو کارکوونکی نوجت سينګ سدو پدې خاطر له ياد پروګرام څخه و ايستل سو چي د پاکستاني وګړيو په ملاتړ يې ټويټ کړی وو.