کرونا ویروس: شکېرا د پوهنتون ډيپلوم  انلاين تر لاسه کړ

شکیرا په لویه کچه د کولمبیا پاپ سندرغاړی او نڅا کونکی دی او ډیری ګریمي ، لاتیني ګریمي او امریکایی میوزیک جایزې یې ګټلي دي. د “هرکله ، چیرې چېرته” او “هپس نه دروغ” په څیر فلمونو لپاره پیژندل شوی ، شکیرا د هر وخت کې د کولمبیا ترټولو ډیر پلورونکی هنرمند دی ، چې د نړۍ په کچه د 70 ملیون څخه ډیر البومونو پلور اټکل شوی. سربیره پردې ، هغه د مشهور سندرې – سیالۍ نندارتون وائس کې د قاضي په توګه دنده ترسره کړې. اوسمهال شکيرا د نوي کورونا ويروس له کبله اعلان شوی کرنټین په فرصت بدل کړ او په دې وخت کې یې د انټرنټ له لارې د تعليم وروسته ډيپلوم واخيست

شکيرا چې اوس يې په خپل کور کې د خپلې کورنۍ سره يو ځای ځان کرنټین کړی دی، وايي چې د خپلو ماشومانو د ويده کولو وروسته به يې په انلاين ډول د پوهنتون په درسونو کې ګډون کولو او اوس یې ډيپلوم ترلاسه کړ، شکيرا يو له هغه کسانو څخه ده چې د کرنټین موده يې تر ټولو زياته ګټوره وکاروله، هغه هم د خپلو څو ماشومانو د پالنې سره سره د يو بل ډيپلوم اخیستلو سره.

۴۳ کلنې شکيرا د کرنټین په موده کې هم ځان بې کاره پرېنښود، دې دا د کرنټین دا زړه په تنګ کوونکې ورځې په يو بې ساري فرصت بدلې کړې، د چا خبره عام سړی یې په څلورو کلونو کې نه شي اخیستی خو شکيرا د کرنټین په څو اونیو کې د پخوانۍ فلسفې د فاکولتې څخه د فراغت سند ترلاسه کړ او نور نو په رسمي ډول د قديمې يا پخوانۍ فلسفې ډيپلوم لري، دې کولمبيايي سندرغاړې د پنسلوانيا د پوهنتون د انلاين زده کړو په برخه کې ځان ثبت او وروسته یې د کرنټین په موده کې پکې خپلو زده کړو ته دوام ورکړ، دې د فلسفې په برخه کې د پنسلوانيا پوهنتون څخه ۴ اونۍ زده کړې ترلاسه کړې او ددې څلورو اونیو په پايله کې وتوانېده چې ددې پوهنځي ډيپلوم ترلاسه کړي.

شکيرا په دې هکله لومړی د ټولنیزو رسنیو د یو پوسټ له لارې خلکو ته خبر ورکړ، دې د ټولنیزو رسنیو په يوه پوسټ کې داسې لیکلي و؛ د پنسلوانيا د پوهنتون څخه مې څلور اونۍ د قديمې فلسفې تعليم واخيست او فارغه شوم، پوهېږم زما ځينې عادتونه يو څه بې کاره دي خو وروسته له دې چې ماشومان به مې ویده کړل ساعتونه به مې خپل دې تعليم ته ورکول.

د نوي کورونا ويروس سره په ډېری هېوادونو کې علمي بنسټونه، پوهنتونونه او ښوونځي رخصت شول، ډېری پوهنتونونو هم د نړۍ په سراسر کې د انټرنټ له لارې زده کړو ته شروع وکړه، ځینو بيا داسې وکړل چې درسونه یې د انټرنټ له لارې پيل کړل او ازموينې بيا په علمي ډول اخلي، په ټوله کې د شکيرا غوندې د لرې لارې يا د کور څخه د زده کړو تاريخچه پخوانۍ ده نو ډېری کله یې وخت بيا لږ تر لږه يو يا دوه کاله وي، خو‌ شکيرا بیا په کرنټیني ورځو کې په دې بريالۍ شوې چې دا پوهنتون په څلورو اونیو کې خلاص کړي.

شکيرا اوس د جنوبي امريکا د بهاماس په ټاپوګانو کې ژوند کوي، دغه ټاپوګان د شتمنو خلکو د ژوند ځای دی چې د نوي کورونا ويروس څخه هم لرې ګڼل کېږي، په دې سيمه کې د نوي کورونا ويروس پېښې هم تر نورو کمې دي.

لکه څنګه چې په خپله شکيرا د تعليم او زده کړې علاقه لري همداسې د نورو په هکله هم د ښه نيت څخه ډک زړه لري، شکيرا د تعليم په هکله تل فعاله ده، هغه تر ننه پورې ګڼ ښوونځي جوړ کړي دي، ددې بنسټ د ماشومانو لپاره په کولمبيا او د نړۍ په سراسر کې د ښوونځیو د جوړولو ملاتړ کوي، دې همدا راز د خپل هېواد ته هم د تعليم په برخه کې ډېر کار کړی دى.

.