په کور دننه د کرونا ویروس پېښو زیاتوالي خلک اندېښمن کړي او په دې برخه کې د کنټرول په تړاو د روغتیا وزارت هڅې قناعت کوونکي نه یولي. دغه خلک غوښتنه کوي، چې هېواد کې دې د دغې ناروغۍ د مخنیوي لپاره جدي او عملي کار وشي. خو د روغتیا وزارت بیا وايي، د کرونا ویروس مخنیوي په موخه يې بشپړ چمتوالی نیولی دی.
کابل کې د بیدارو ځوانانو ټولنیز سازمان، چې د کرونا ویروس په اړه يې د عام پوهاوي کمپاین پر لاره اچولی خلکو ته يې د ماسک، دستکشو او پوهاوي پاڼو زر بستې ووېشلې
. که څه هم په هېواد کې د هرې ورځې په تېرېدو سره د کرونا ویروس مثبتو پېښو شمېر زیاتېږي، د دغې ناروغۍ په تېزۍ خپرېدو د روغتیا وزارت سربېره خلک هم اندېښمن کړي دي. ولسي وګړي وايي، هېواد کې د کرونا ویروس د مخنیوي لپاره د روغتیا وزارت کړنې په صفر حساب دي او باید په دې برخه کې عملي ګامونه پورته کړي.
خو د عامې روغتیا وزارت وايي، د کرونا ویروس مخنیوي په موخه يې بشپړ چمتوالی نیولی دی. په کابل کې د بیدارو ځوانانو ټولنیز سازمان د کرونا ویروس په تړاو د عام پوهاوي کمپاین پیل کړی ترڅو خلک د یاد ویروس مخنیوي لپاره همکاري وکړي او خپل ځان له دې ناروغۍ وژغوري. د عامې روغتیا وزارت د معلوماتو له مخې په کرونا ویروس د اخته کسانو درملنې لپاره په امریکا کې واکسین جوړ شوی، چې اوس مهال پر ناروغانو د تطبیق په حال کې دی.
افغان حکومت تازه د کرونا د پراختیا مخنیوي لپاره پرېکړه کړې، چې یو لړ مناسبتي، د ودونو مراسم او د هوټلونو ترڅنګ يې حمامونه او سونا حوزونه وتړي په دې اړه ښاروالیو او کورنیو چارو وزارت ته سپارښتنه شوې، چې په دې برخه کې خپل اقدامات ترسره کړي.