اصغر افغان: شپږيزه د نوي ځوانانو لپاره ډېر مهم لیګ دی

اصغر افغان: شپږيزه د نوي ځوانانو لپاره ډېر مهم لیګ دی د هېواد د ملي کرکټ ټيم مشهور لوبغاړۍ او کپتان اصغر افغان چې په شپږيزه کرکټ ليګ کې روان کال د بند امير ښامارانو د ټيم کپتان دی، وايي چې شپږيزه کرکټ ليګ د افغانستان د نوي نسل لپاره ډېره مهمه ده.

ښاغلۍ افغان يوه ويډيو چې د کرکټ بورډ لخوا خپره شوې ده، پکې اصغر افغان ویلي ، چې د دوى لوبډله بند امير ښاماران ډېرهښه ټيم جوړه کړې ده، چې ځوانان او سينئير لوبغاړي پکې شامل دي، هغه په خپلو خبرو کې زیاتوي ، چې شپږيزه کرکټ ليګ د افغانستان د راتلونکي لپاره ډېره مهمه ده او بايد هر کال وشي تر څو دا رواج قایم وساتل شي،

هغه وويل، شپږيره ليګ کې ځوانان ډېر څه زده کوي او همدا رنګه له سينئير پلیرانو څخه به هم ډېر څه زده کړي، چې په راتلونکي کې ورته فایده کوي افغان وايي، چې له شپږيزې څخه ډېر ځوان لوبغاړي ملي لوبډلې، د ١٩ کلنو لوبډلو، اې لوبډلې او ايمرجينګ لوبډلې ته راغلل او ملي ټيم کې هم موثر تمام شول.

نوموړي همداراز وویل ، چې ځوانان هڅه وکړي ، چې په شپږيزه کې ډېر څه زده کړي او خپل ځانونه ښکاره کړي، ځکه همدېکې د دويي کامیابي ده.اصغر افغان د لوبډلو په اړه وويل، چې ټول ټيمونه ډېر ښه جوړ شوي دي. هغه وويل چې شپږيزه به هغه لوبډله ,ګټي، چې شپږيزه ډېره سيريس واخلي او ځانونه ورته اماده کړي نوموړي وویل چې باید ټول ټيمونه هڅه وکړي چې لوبې وګټي ځکه ټول پلیران د افغانستان لپاره فایده ده چې ټرین شي او د لوبو ګټلو چل ورته زده وي،

هغه وویل ، چې زه هره سيالۍ کوم، که هغه نړيواله سيالي وي او که کورنۍ سيالي وي، نو ډېره توجه يې سيالۍ ته وي، ډېر سيريس ډول باندې لوبه کوي.هغه وايي چې کوشش کوم چې ځان فټ وساتم او تر پایه ولوبېږم نوموړي وویل چې دا کورنۍ لوبې دي او هر انټرنیشنل پلیر ترینه خوند اخلي

اصغر افغان: شپږيزه د نوي ځوانانو لپاره ډېر مهم لیګ دی
اصغر افغان: شپږيزه د نوي ځوانانو لپاره ډېر مهم لیګ دی

نوموړي همداراز وویل چې په نړيوالو سياليو کې پرېشر بوج ځکه ډېر وي چې هغه نړيوالې سيالۍ وي، خو کورني سيالۍ بيا فرق کوي، ځکه کورنۍ په خپل هېواد کې وي. نوموړي وويل، چې هر ډول سيالۍ چې وي خو بايد ښه لوبډلمشري وشي.

ځوانان، د هېواد راتلونکې اداره کوي

د هېواد ځوانان راتلونکي بدلونونه اوس یعني نن رهبري کوی. په عمومي ډول پرته د جنسیت په نظر کې نیولو سره، ځوان هر هغه شخص ته ویل کېږي چې عمر یې د ۱۵ او ۳۰ کالونو ترمنځ وي. ځوان د ټولنې د ملا تیر ګڼل کېږي چې په همدې سبب د خپلې ټولنې د راتلونکې په تعینولو کې رغنده رول لري. دا ټول ځکه چې د ټولنې نور وګړي چې هغوی سپینږیري/ سپین سرې، پاخه عمره او ماشومان دي په ځوانانو ډېره تکیه کوي او له دوی ډېره تمه لري.

دا هر څه د دې جوګه شوي چې ځوانان د اوسنیو او راتلونکو ټولنو د نورو عمري ډلو په پرتله خورا مهم وګڼل شي. د ټولنې سره د ځوانانو د مظبوتې اړیکې له کبله موږ ځوانان یو شمېر دندې او مسؤلیتونه لرو چې باید اوږه ورکړو، ځکه چې زموږ د کورنیو، ټولنو او هېواد راتلونکې زموږ په لاسونو کې ده.

اول .ځوانان باید ماشومان او تنکي ځوانان وروزي، هوښیار یې کړي او ویې هڅوي، دوی ته باید د عام ژوند د مهمو اړخونو په اړه زده‌کړې ورکړل شي، د ښه او بد ترمنځ د تفکیک لارې چارې وروښودل شي او یو شمېر لازمې لارښوونې ورته وشي، چې دوی د خپل راتلونکي ژوند پر ټولو ټولنیزو، ارواپوهنیزو، ښوونیزو او اقتصادي ستونزو بری ومومي.

دویم، لکه څرنګه چې منځني عمر خاوندان او لویان د بوډاتوب په لور درومي، یو شمېر کاري بستونه خالي پاتې کېږي چې پرته له وړ ځوانانو نور څوک باید پرې ونه ګمارل شي. دا به د اقتصادي پراختیا او په ټولنیز ژوند کې د وګړو د ښه چوپړ جوګه شي. ځوانان باید نوي اختراعات ولري، په صنعتي ډګر کې په کم لګښت د زیات تولید لپاره د وخت تېرې ټکنالوژۍ سره مخه ښه وکړي او نوې لارې چارې کشف کړي.

درېیم، هر هېواد د بریالیتوب لپاره مجهز، مسلکي او مسوولیت منونکو رهبرانو ته اړتیا لري. ځوان د راتلونکي ښه رهبران جوړېدای شي، دوی باید د مخکنیو رهبرانو ټولې تېروتنې، نیمګړتیاوې او خطاګانې سمې کړي، د همغه مشخصې ټولنې لیدلوری په بشپړه توګه بدل او مثبت لوري ته یې سوق کړي او له جرمونو لکه فساد، شخصي ګټو، له نورو تمه او ځان غوښتنې سره مخه ښه وکړي. د دې هر څه په ترڅ کې به په ټولنه کې پرمختګ، د جنډر انډول او د سرچینو مساوي تخصیص رامنځته شي او ځوانان باید د نورو مشرانو لخوا ټاکل شوو فضیلتونو او ارزښتونو ته درناوی ولري، چې د هېواد رښتونی چوپړیال جوړ شي.

څلورم، د وخت په تېرېدو سره ځوانان د ژوند پر یو بل مهم پړاو ګام ږدي، دوی والدین کېږي او داسې تمه ترې کیږي چې د خپلو میندو او پلرونو په څېر خپل ګډ ژوند پیل او اداره کړي. د ځوانانو ترمنځ واده کول به د قومي کلتورونو شریکوالی او په ټولییزه توګه به د هېواد په سطحه ملي یووالی او سوله پیاوړې کړي.

پینځم، ځوانان باید د ټولنې د مشرانو تجربې اولاسته‌راوړنې هم کم لاس ونه نیسي، باید له تجربو یې په عملي ژوند کې ګټه واخلي او لاسته راوړنې یې تل په ښه نوم یادې کړي. ښه بېلګه یې زموږ ګران هېواد افغانستان ته د غازي امان الله خان په واسطه د خپلواکۍ اخیستل ده. په انګرېزۍ ژبه کې یو متل ده چې وایي “مشران د طلا حیثیت لري” نو راځئ له دې طلا څخه خپله اعظمي ګټه واخلو.

موږ ټول افغانان باید د افغان ځوانانو  په توګه پورتنۍ ټولې لارښوونې په خپل ژوند کې عملي کړو چې خپلې ټولنې او هېواد ته د چوپړ جوګه شو. ټول ځوانان د دې هېواد د ثبات لپاره لویه پانګه ده. زموږ د هېواد راتلونکې سیده زموږ په اقوالو او افعالو پورې اړه لري چې څنګه په ټولنه کې سره مدغم کېږو. راځئ یو او بل ته د یووالي لاس ورکړو او اوږه په اوږه د خپل هېواد د ښې راتلونکې لپاره کار وکړو.