په لومړي ځل افغان ابدالیان لوبډلې د ایمرجینګ جام سیالیو اتلوله وګټله

ددغه جام له ګټلو وروسته افغانانو په کور دننه او بهر افغانانو خوشالۍ وکړې او دغه سیالۍ یې ونمانځله.

د اسیا ایمرجېنګ جام کرېکټ سیالیو په پایلوبه کې افغان ابدالیانو لوبډلې د شري لنکا الف لوبډلې ته په ۷ وېکټو په داسې حال کې ماتې ورکړه، چې ۱۱ توپونه یې لا پاتې وو او د ۲۰۲۴ کال اتلولي یې خپله کړه.

له دې مخکې شري لنکا الف لوبډلې د ټولو شلو اورونو له لوبولو او ۷ لوبغاړو له لاسه ورکولو وروسته افغان ابدالیانو لوبډلې خلاف ۱۳۳ منډې جوړې کړې او افغانستان ته یې د ۱۳۴ منډو هدف وټاکه.

په لومړیو کې د افغان لوبډلې لوبه

په ځوابي لوبه کې افغان ابدالیانو د زبید اکبري وېکټه له هېڅ یوې منډې جوړولو پرته له لاسه ورکړه.

له ده وروسته لوبډلمشر دروېش رسولي له صدیق الله اتل سره د ملګرتیا لپاره ډګر ته ووت. نوموړی د ۲۴ منډو له جوړولو وروسته وسوځېد او پر ځای یې تجربه کار کریم جنت د لوبې ډګر ته راووت.

نور ولولئ: د راشد خان نوی ریکارډ؛ په دریو توپونو یې درې لوبغاړي وسوځول

نور ولولئ: د لوبې پر مهال د راشد خان حرکات او د هغه راښکونکې ننداره

نور ولولئ: کرېکټ؛ افغان ابدالیان لوبډله د اسیا ایمرجنګ جام سیالیو ته لار پیدا کړه

کریم جنت د درې شپږیزو پر مټ له ۲۷ توپونونو د ۳۳ منډو له ترلاسه کولو وروسته وسوځېد.

صدیق الله اتل د دې لوبړۍ نورو سیالیو په څېر په پایلوبه کې هم ښه وځلید او نیمه سلیزه یې بشپړه کړه. نوموړی له ۵۵ منډو سره ناسوځېدلی پاتې شو. اتل د اسیا ایمرجېنګ جام په دې سیالیو کې نژدې ۳۸۶ منډې وکړې.

د لوبې غوره لوبغاړی

صدیق الله اتل د لوبلړۍ غوره لوبغاړی او الله محمد غضنفر د نن پایلوبې غوره لوبغاړی وبلل شو، چې د څوارلسو منډو بدل کې یې دوې وېکټې ترلاسه کړې.

د افغانستان له لوري الله محمد غضنفر او بلال سمېع د پیل په لومړیو پنځو اورونو کې له شلو په کمو منډو ۴ شري لنکایي لوبغاړي وسوځول او له دې سره یې افغانستان ته په توپ اچوونه کې د ښه پیل بنسټ کېښود.

د افغانستان کرېکټ بورډ مشر میرویس اشرف بي‌بي‌سي ته د اسیا ایمرجېنګ جام کرېکټ سیالیو پایلوبه کې د افغان ابدالیانو لوبډلې د شري‌لنکا الف لوبډلې ته په ماتې ورکولو خپله خوشالي ښولې.

نوموړی په یوه وېډیو وې‍ډیويي پیغام کې وايي، په اسیايي لوبډلو کې د تنکیو ځوانانو اتلولي ګټل اسانه کار نه دی، خو نن افغان لوبغاړو افغانستان ته یوه ستره اتلولي وګټله او هیله یې دا ده چې له همدې لوبغاړو ته ملي لوبډلې ته ښه لوبغاړي ولري.