د افغانستان د تکواندو لوبډله نن اماراتو ته ورسېده او کرکټ ملي لوبډله به سبا له سریلنکا سره ټیسټ لوبه پیل کړي
د افغانستان د تکواندو فدراسیون د خبر پر اساس، ټاکل شوې چې د تکواندو لوبې ۹ افغان لوبغاړي په ازادو نړیوالو سیالیو کې ګډون وکړي.
یادې لوبې به په عربي متحده اماراتو کې د راتلونکې یکشنبې په ورځ د فبرورۍ ۴مه پيل شي.
یادې سیالۍ به د ۱۸۶۰ لوبغاړو په ګډون د وزن په بېلابېلو ګټګوریو کې ترسره شي او ۴ ورځې به دوام وکړي.
په دې سیالیو کې یوازې د افغانستان د تکواندو نارینه لوبغاړي ګډون لري.
د افغانستان له لوري په اول وزن کې
د افغانستان له لوري به په اول وزن کې رامین امیني، په دوهم وزن کې محسن رضايي، په درېيم وزن کې بېژن صدرزاده، په څلورم وزن کې حکمت الله زین او حسین لطفي، په پنځم وزن کې امید سهاک، په شپږم وزن کې رامش حسیني، په اووم وزن کې محمد اشرف شکران او په اتم وزن کې علي اکبر امیري سیالۍ وکړي.
نور ولولئ: د افغانستان کرکټ بورډ له دریو لوبغاړو مرکزي قرارداد اخیستی دی
نور ولولئ: کرکټ؛ د اماراتو پر وړاندې د رحمن الله ګربر جادوګره لوبه
نور ولولئ: راتلونکې میاشت کې د افغان کرکټ ملي لوبډلې لوبې
باید وویل شي چې تر دې وړاندې هم په یادو سیالیو کې د افغانستان د تکواندو لوبغاړو ګډون کړی دی، خو لا یې د سرو زرو مډال نه دی ګټلی.
له سریلنکا سره ټیسټ لوبه
ټاکل شوې چې د افغانستان د کرکټ ملي لوبډله خپله یوازېنۍ ټېسټ سیالۍ سبا د فبرورۍ دوهمه له سریلانکا سره پیل کړي.
یاده سیالي به د سریلانکا په پلازمېنه کولمبو کې د کابل پر وخت سهار ۹:۰۰ بجې پیل شي.
دا لومړی ځل دی چې افغانستان او سریلانکا ټېسټ سیالي ترسره کوي.
دواړو هېوادونو یادې لوبې ته خپلې لوبډلې اعلان کړي او افغان کرکټ بورډ وايي چې له تېرو څو ورځو راهیسې یې په کولمبو کې تمرینات هم ترسره کړي دي.
د ویلو ده چې تر دې ټېسټ سیالۍ وروسته به دواړه لوبډلې د یو ورځنیو او شل اوریزو سیالیو لوبلړۍ هم ترسره کړي.
د ښځو فوټبال نړیوال جام؛ د سویډن او اسپانیا لوبډلې نیمه پای لوبې ته لار ومونده
د یادونې ده چې افغانستان په دې وروستیو کلونو کې د لوبو په ډګر کې خورا ښې لاسته راوړنې لري. افغان ځوانان د لوبو په ډګر کې ډېر ښه ځلېږي او دوی په ډاګه کړه چې د سیالیو په میدان کې خپل حریف په ښه شکل له پښو غورځوي. دغه اتلان افغانستان ته ویاړونه راوړي او وبه لیدل شي چې په دې وروستیو لوبو کې څنګه ځلېږي؟
