اړوند خبرونه:
افغان ښځې له طالبانو د دوی پر زدهکړو او کار د محدودیتونو ختمول غواړي
پر ښځو د طالبانو کاربندیز؛ ملګرو ملتونو په افغانستان کې د خپلو عملیاتي چارو ارزونه پيل کړې
د آنیتا هیپر په وینا، ۳۵۰۰ افغان سوداګرې د اروپایي اتحادیې له لوري روزل شوې یا مشورې ورکړل شوې دي.
هغې همداراز وویل چې له ۲۰۲۱ کال راهیسې، اروپایي اتحادیې ۱.۸ میلیارده یورو ځانګړي کړي، چې په ایران، پاکستان، او نورو کوربه ټولنو کې د افغانانو وضعیت ښه شي.
د افغان نجونو زدهکړې او له طالبانو سره تعامل
هغه وویل، اروپایي اتحادیه د ټولو افغانانو بنسټیزو حقونو ته ژمنه ده. د افغانستان دننه د خپل ډیپلوماټیک حضور له لارې، اتحادیه کولی شي د طالبانو له چارواکو سره مخامخ خبرې وکړي، چې د نجونو د ښوونځیو د بېرته پرانیستل کېدو اړتیا روښانه کړي.
همداراز، اروپایي اتحادیه د ښوونځي زدهکوونکو ته د باکیفیته زدهکړې د برابرولو هڅه کوي، چې پکې د انټرنیټ او راډیو له لارې د څو رسنیزو زدهکړو د موادو چمتو کول شامل دي.
“د ښځو لپاره، د ښځو له خوا” تګلاره او اقتصادي پیاوړتیا
اروپایي اتحادیه د طالبانو د محدودیتونو پر وړاندې، “د ښځو لپاره، د ښځو له خوا” تګلاره عملي کوي.
دا تګلاره هڅه کوي چې ښځې او نجونې نه یوازې د مرستو ترلاسه کوونکې وي، بلکې د بشري مرستو د طرحې د پلي کولو، او ترلاسه کولو برخهوالې هم شي.
پر ښځو سختو محدودیتونو ته په پام اروپایي اتحادیه د ښځو اقتصادي پیاوړتیا ته ځانګړې پاملرنه کوي او د وړو پورونو د ورکولو په شمول د ښځو تر مدیریت لاندې اقتصادي فعالیتونو ته تمرکز لري.
