د حماس د دفتر مشر اسماعیل هنیه وژل کېدو ته ځینو افغان سیاسیونو غبرګونونه ښوولي دي

اسماعیل هنیه پرون ورځ (سه‌شنبه، زمري ۹( د ایران په پلازمېنه تهران کې په تر ټولو خوندي سیمه کې د اسرائیلو په توغندیز برید کې ووژل شو.

د اسماعیل هنیه د افغانستان یو شمېر سیاستوالو په تهران کې د فلسطین د حماس ډلې د سیاسي دفتر د مشر اسماعیل هنیه وژل کېدل غندلي.

پخواني افغان ولسمشر حامد کرزي په یوه اعلامیه کې ویلي، چې دا برید په کلکو ټکیو غندي.

د غزې د جګړې ناورین به نور هم ډېر شي

د کرزي په وینا، په داسې حال کې چې د غزې ناورین د حل هڅې روانې وې، د هنیه وژل کېدل دا خبرې ټکنۍ کوي او په دې اساس دا پېښه په منځني ختیځ کې دسولې او ثبات ضد عمل و.

د پرځیدلي جمهوري نظام اجرائیه رئیس ډاکټر عبدالله عبدالله، د ملي امنیت سلاکار حنیف اتمر او یو شمېر نورو افغان سیاسي څېرو هم د نوموړي وژل کېدل غندلي.

نور ولولئ: حماس-اسراییل جګړه: اسراییلیانو د فلسطیني کډوالو پر کمپ بمبارۍ کې ۷۰ کسان وژلي

نور ولولئ: د حماس ډلې سیاسي مشر په تهران کې په خپل استوګنځي کې ووژل شو

نور ولولئ: د حماس-اسراییل جګړه؛ حماس د جګړې تر پای ته نه رسېدو پورې د یرغمل شوو کسانو د نه خوشي کېدو ګواښ کړی

مخکې د طالبانو واکمن رژیم هم دا برید غندلی او هنیه یو پياوړی او مبارز مسلمان ګڼلی و.

د طالبانو منتقدانو بیا ویلي، چې که هنیه افغان او همداسې قیافې سره د طالبانو تر واک لاندې افغانستان کې ژوند کولای؛ طالبانو به په ډېرو نومونو تکفیر کړی او ژوند ور تریخ کړی وای.

د اسماعیل هنیه د وژل کېدو ډول

د حماس د سیاسي مشر اسماعیل هنیه د وژل کېدو په اړه د ایران سپاه پاسداران په تازه معلوماتو کې ویلي چې نوموړی د شپې په ۲ بجې له هوا څخه په تهران کې په ویشتل شوې ګولۍ یا وسیلې وژل شوی دی.

په داسې حال کې چې ایران او حماس د اسماعیل هنیه د وژلو پړه پر اسرائیل اچوي، د اسراییل د پوځ ویاند وايي چې دوی د وضعیت ارزونه کوي.

حماس ویلي چې د اسماعیل هنیه ترور به بې ځوابه پاته نه شي.

پر دې سربېره ایران ګواښ کړی چې پر اسرائیلو به مخامخ برید وکړي. د ایران مذهبي مشر سید علي خامنه‌ي د سپاه پاسدران او پوځ مشرانو ته امر کړی چې پر اسرائیلو د برید لپاره طرحه چمتو کړي.

له دې وړاندې په لبنان کې د حزب الله مشر ویلي وو، ایران به ژر یا وروسته له اسرائیلو سره په مخامخ جګړه کې ښکېل شي.

امریکا بیا له ایران غوښتي و چې د اسرائیلو پر وړاندې له زغم کار واخلي.