“د افغان ښځو نړیواله شبکه” په نیویارک کې جوړه شوه

اړوند خبرونه:

م.م. کې د امریکا سفیره وايي، امریکا طالبان په رسمیت نه پیژني

افغانستان په هغو لسو هېوادونو کې دی چې نجونې پکې ښوونځي ته نه شي تللی

توماس: افغانستان کې زده‌کړو ته د نجونو پر تګ او ټولیزو ګټو اجماع شته

یو شمېر ښځو او د ښځو د حقونو مدافعینو د افغان ښځو د حقونو د دفاع او د هغوی د ځواکمنولو لپاره په نیویارک ښار کې یو نړیوال مدني بنسټ د “د افغان ښځو نړیواله شبکه” (AWNI) په نوم جوړ کړی دی.

ماري اکرمي ویلي چې دوی غواړي د دې بنسټ په جوړولو سره د افغانستان د ښځو غږ اوچت کړي او د هغوی د حقونو لپاره مبارزه وکړي.

د افغان ښځو د حقونو د دفاع او د هغوی د توانمندۍ لپاره د نړۍ له ګوټ ګوټ څخه ښځې فعالې په نیویارک کې سره راټولې شوي او د “د افغان ښځو نړیواله شبکه” په نوم مدني نړیوال بنسټ یې جوړ کړی.

د افغان ښځو شبکه د افغانستان په دننه کې د ښځو د ځواکمنۍ له لومړنیو مدني بنسټونو څخه وه، چې د افغانستان د پرځېدلي جمهوریت په وخت کې په کابل کې جوړه شوې وه. دا شبکه د افغان ټولنې په مختلفو برخو کې د ښځو د حقونو لپاره کار کاوه.

له دې وروسته چې طالبان د ۲۰۲۱ کال په اګست کې بیا په افغانستان واکمن شول، د افغان ښځو د شبکې فعالیتونه په افغانستان کې ډېر محدود شول. د دې شبکې ځینې غړې او فعالان هېواد پرېښود او ځینې په افغانستان کې په خپلو کورونو کې بند پاتې شول.