د افغانستان او نيوزيلنډ تر منځ ټېسټ لوبه نن دریمه ورځ هم ونه شوه او ۴مې ورځې ته وځنډېده
د افغانستان او نیوزلنډ تر منځ د هند په ګرېټر نواډا کې د کرېکټ یوازینۍ ټېسټ لوبه د باران او لوبغالي لوندېدو له کبله په درېيمه ورځ هم ونه شوه.
په پام کې وه، د دوشنبې ګهیځ (۹ سپټمبر) دا لوبه پیل شي، خو د منتظیمونو په وینا د باران له کبله لوبغالی تر ناوخته پورې لوند پاتې شو، چې له کبله یې لوبه بالاخره تر سې شنبې، چارشنبې او اوس تر پنجشنبې پورې وځنډېده.
د لوبغالي نه وچېدل
د افغانستان کرېکټ بورډ په وينا د بېګاني باران له کبله اوس هم لوبغالی په بشپړه توګه نه دی وچ شوی.
د دريو ورځو لوبې نه کېدو له کبله به اوس پاتې دوې ورځې دا لوبه کېږي.
د افغانستان کرېکټ بورډ پر خپله فېسبوک پاڼه ليکلي، “د یوازېنۍ ټېسټ لوبې درېیمه ورځ هم د تېرې شپې او اوسمهال د شدید ورښت له امله نه ترسره کېږي.”
نور ولولئ: د لوبې پر مهال د راشد خان حرکات او د هغه راښکونکې ننداره
نور ولولئ: د راشد خان نوی ریکارډ؛ په دریو توپونو یې درې لوبغاړي وسوځول
نور ولولئ: راشد خان ولې له بېګباش سیالیو بهر کړی شو
د کرېکټ بورډ په وينا لوبڅاران به سبا سهار ۸:۰۰ بجې د لوبغالي له ارزونې وروسته د لوبې د پیل په اړه پرېکړه کوي.
نندارې ته د ښې سیالۍ وړاندې کول
د افغانستان مشري حشمت الله شهيدي کوي. نوموړي ويلي وو، چې لوبې ته يې پوره چمتووالی نيولی او هيله يې ښودلې وه چې ښه سيالي به نندارې ته وړاندې کړي.
د منتظمینو په وینا د باران له کبله د ورځې تر ناوخته پورې لوبغالی لوند پاتې شو، چې له کبله یې لوبه وځنډول شو.د عکس
څو ورځې وړاندې د افغانستان کرېکټ بورډ له نيوزيلنډ سره د دغې ټېسټ لوبې لپاره د لوبغاړو ۱۶ کسيزه ډله اعلان کړه.
خو تېره ورځ افغان کرېکټ بورډ وويل چې تګړه توپوهونکی ابراهیم ځدراڼ د نیوزیلنډ پر وړاندې ټېسټ او د سوېلي افریقا لوبلړۍ کې د ګډون جوګه نه دی.
د کرېکټ بورډ په وينا د ابراهیم ځدراڼ د چپې پښې ښنګری د نیوزیلنډ لوبډلې لپاره د چمتووالي او تمرین پر مهال اوښتی چې له امله به یې نوموړی د نیوزیلنډ پر وړاندې د یوازېنۍ ټېسټ لوبې او د سویلي افریقا پر وړاندې د راتلونکې لوبلړۍ برخه نه وي.
د يادولو وړه ده چې د افغانستان مشهور لوبغاړي راشد خان، رحمان الله ګوربز او مجيب ځدراڼ هم د نیوزيلنډ پر وړاندې سيالۍ کې نشته چې د دوی نه شتون کېدای شي لوبډلې ته زیان رسونکی وي.
