ټرمپ یو بل امریکايي پوځي چې د افغانستان تجربه لري، دفاع وزیر ونوماوه تر څو دفاع وزارت ته لاړ شي

د امریکا منتخب ولسمشر، ډونالډ ټرمپ، پیت هگزت، د فاکس نیوز خپرونکی او د پوځ پخوانی سرتېری، د دفاع وزیر په توګه نومولی دی.

د ټرمپ له لوري نومول شوي وزیران د سنا جرګې تایید ته اړتیا لري.

هگزت د ۲۰۱۱ او ۲۰۱۲ کلونو ترمنځ د امریکا د ملي ګارډ له ځواکونو سره افغانستان ته ولېږل شو او لس میاشتې یې په کابل کې په جولین کمپ کې تېرې کړې.

د نوماند شوي دفاع وزیر دنده

پیت هگزت په جولین کمپ کې، چې د نړیوالو امنیت ساتونکو ځواکونو (آیساف) مرکز و، د طالبانو ضد مرکز د روزونکي په توګه دنده ترسره کوله.

هگزت له هارورډ او پرینسټن پوهنتونونو څخه فارغ‌التحصیل دی او د ده د ویپاڼې د معلوماتو پر اساس، سربېره پر افغانستان، په عراق او ګوانتانامو کې یې هم خدمت کړی دی.

هغه په ۲۰۱۹ کال کې، د ډونالډ ټرمپ د ولسمشرۍ د لومړۍ دورې پر مهال، له ولسمشر څخه وغوښتل چې هغه پخواني سرتېري چې د جنګي جرمونو په تور نیول شوي وو، وبخښي. هگزت په دې اړه فاکس په نیوز کې د خپلو خپرونو په ترڅ کې د دغو سرتېرو د قضیو او د دوی له کورنیو سره خبرې کولې.

نور ولولئ: طالبان ډونالډ ټرمپ ته؛ د افغانستان بانګ د ۹ میلیارده کانګل شتمني راته ازاد کړئ

نور ولولئ: د ډونالډ ټرمپ وژونکی افغان او د ایران استخباراتو لخوا ګومارل شوی و

د ښاغلي هگزت د هڅو په پایله کې، په هماغه کال کې، ډونالډ ټرمپ یو پخوانی امریکايي کمانډو، چې د یوه افغان د وژلو په تور محاکمه کېدو ته چمتو کېدو، وبخښه. سربېره پر دې، هغه یو بل امریکايي سرتېری هم وبخښه چې په افغانستان کې د درېیو افغانانو د ویشتلو او د هغوی د دوو کسانو د وژلو په تور محکوم شوی و.

د امریکا دفاع وزارت ته حیرانوونکی انتخاب

رویټرز خبري آژانس د پیت هگزت ټاکل د ټرمپ له له لوري تر ټولو حیرانونکی انتخاب بللی دی. هغه د ناټو په اړه بدبینانه نظر لري او د دې تړون پر متحدانو یې د “ضعیف والي” له امله نیوکه کړې ده.

ښاغلی هگزت ۴۴ کلن دی.

ټرمپ هگزت یو “زړور، هوښیار” او د “لومړی امریکا” شعار ریښتینی باورمن بللی دی.

د امریکا منتخب ولسمشر په یوه خبرپاڼه کې لیکلي دي: “د پیت په رهبرۍ کې د امریکا دښمنان باید په چمتو حالت کې وي. زموږ پوځ به بیا ستر شي او امریکا به هېڅکله شاتګ ونه کړي.”

هگزت ویلي چې په ۲۰۲۱ کال کې د امریکا له پوځه وروسته له دې ووت چې دغه ځواک د سیاسي او مذهبي نظریاتو له امله څنډې ته کړی و.