اړوند خبرونه:
امرالله صالح: طالبانو په ۴ ولایتونو کې سلګونه کسان بې له محکامې وژلي
امرالله صالح: طالبان هڅه کوي چې قومي جوړښتونه له منځه یوسي
د امریکا د استازو مجلس غړي ټیم بورچټ، تاجکستان کې د افغانستان سفیر ظاهر اغبر واشنګټن ته دعوت کړی دی.
ټیم بورچټ د چهارشنبې په ورځ، د حمل ۱۳مه، اعلان وکړ چې هغه ظاهر اغبر ته بلنه ورکړې چې په امریکا کې ورسره وګوري.
د هغه په وینا، په هغه لیک کې چې اغبر ته استول شوی، د افغانستان د پرځېدلي جمهوریت لومړي مرستیال امرالله صالح نوم هم ذکر شوی دی.
له بلې خوا، هغه زیاته کړې: «سفیر اغبر په زړورتیا سره د افغانستان سفارت طالبانو ته چې اوس په کابل کې واکمن دي، له تسلیمولو ډډه کړې او په صادقانه توګه د افغانستان د خلکو ریښتینې ارادې استازیتوب کوي.»
ټیم بورچټ زیاته کړې چې د افغانستان نور ټول سفارتونه چې په ګاونډیو هېوادونو کې دي، اوس د طالبانو تر نفوذ لاندې دي.
خو ظاهر اغبر تر اوسه په دې اړه څه نه دي ویلي.
