اړوند خبرونه:
د افغان کډوالو په اړه له پاکستان او طالبانو د چین غوښتنه
طالبان وايي، افغانستان به د چین د یوه کمربند او سړک پروژې غړی شي
ترکیې په انقره کې د افغانستان اسلامي جمهوریت سفارت بند کړ
د طالبانو د بهرنیو چارو وزارت ویلي چې د ترکیې په پلازمېنه کې به د افغانستان سفارت خپلو کارونو ته دوام ورکوي.
د طالبانو بهرنیو چارو وزارت درېیم سیاسي رییس ذاکر جلالي وايي چې د ترکیې په پلازمېنې انقرې کې د افغانستان سفارت د معمول په څېر خپل فعالیت ته دوام ورکوي.
نوموړي پنجشنبه د سلواغې پر ۱۸مه د ترکیې بهرنیو چارو وزارت ته په انقره کې د افغانستان سفارت له سپارلو وروسته په خپله اېکسپاڼه کې لیکلي چې طالب ډیپلوماتان به پوره روڼتیا کونسلي خدمات وړاندې کړي.
هغه زیاته کړې: «د هېوادونو په ډیپلوماتیکو استازولیو کې ډيپلوماتیک کادر کې ادلون بدلون عادي کړنه ده.»
دا په داسې حال کې ده چې نن په انقره کې افغان سفارت د ترکیې بهرنیو چارو وزارت وسپارل شو.
نوموړي سفارت په یو بیان کې ویلي چې دا بدلون د ترکیې پر حکومت د طالبانو د فشار په پایله کې رامنځته شوی دی.
د دې پرېکړې په دوام، د مخکېني حکومت سفیر او ځينو ډیپلوماتانو د خپل ماموریت د پای ته رسېدو خبره کړې ده.
تر اوسه طالبانو په انقرې کې د افغانستان سفارت لپاره په رسمي توګه سفیر ګومارلی نه دی؛ خو سرچینې وايي چې د دې ډلې ډيپلوماتان د سفارت په مهمو بستونو کې ځای پر ځای شوي دي.
د طالبانو د ادعا له مخې، دمګړۍ دا ډله په بېلابېلو هېوادونو کې د ۴۰ سیاسي استازولیو واګي په لاس کې لري.
