تاسو به په دې لیکنه کې د مینیک ډيپرېشن ډولونه او ځانګړتیاوې وپېژنئ
دوه قطبي اختلال چې په تیرو وختونو کې “مینیک ډیپریشن” هم ورته ویل کیده، یوه رواني ناروغي ده چې په مزاج کې د شدید بدلون لامل کیږي. دوه قطبیت یا ‘یو ناڅاپه د مزاج بدلون’ کولی شي د خوښۍ احساسات د ژور خپګان په احساساتو بدل کړي.
نور ولولئ: رواني ناروغۍ او په ځوانانو کې د مغزي سکتې خطر
په دې ناروغۍ اخته کسان کله کله ژور خپګان لري او له ډېرو کارونو سره لیوالتیا نه لري، خو کله کله ډېر خوشاله مزاج، مست، قوي او ډیر فعاله وي.
همدا راز دوه قطبي حالت، د ناروغ خوب، قوت، فعالیت، هوډ، چال چلند او د سوچ کول وړتیا اغیزمن کوي او کیدای شي دا بدلونونه په کال کې څو ځله رامنځته شي.
دا ناروغي څنګه ښه کېدلی شي؟
څیړنو ښودلې چې د هرو سلو لویانو څخه یو یې په تنکي ځوانۍ کې له دې رواني اختلال سره مخامخ کیږي. خو د ‘مزاج د بدلون’ په ګډون د دې ناروغۍ نښې نښانې، تر ډیره بریده د د رواني درملنې او درملو په مرسته کنټرول کیدای شي.
د دوه قطبي اختلال ډولونه
دوه قطبي اختلال بیلابیل ډولونه لري، چې د هر یو نښې نښانې، په ځانګړې توګه د مزاج او چلند بدلونونه د ناروغ په ژوند کې د ډیرو ستونزو او ناخوالو سبب ګرځي.
دوه قطبي اختلال لومړی ډول، د دې ناروغۍ یوه بڼه ده په کوم کې چې ناروغ لږ تر لږه د یوې اونۍ لپاره خوشحاله مزاج لري او بیا ښايي سخت خپګان تجربه کړي.
نور ولولئ: خپګان او په ځوانانو کې د زړه د ستونزو د زیاتوالی
په دویم ډول دوه قطبي اختلال کې ، ناروغ لومړي د سخت خپګان او ورپسې د معتدل مزاج بدلون له پړاو څخه تیریږي، خو هیڅکله د مزاج د سخت بدلون پړاو، نه تجربه کوي.
همداشان د دې ناروغۍ ځينې نور ډولونه هم شته، چې د لومړي او دويمې ډول په پرتله سختې نه دي، خو په يوه يې بدلېداى شي.
ایا ددې ناروغۍ لاملونه معلوم شوي دي؟
ددې ناروغۍ لاملونه تر اوسه د دې ناروغۍ اصلي لامل نه دی په ډاګه شوی، خو وراثت او د دوه قطبي اختلال کورنۍ تاریخچه د دې ناروغۍ اصلي لامل ګڼل کېږي. د ټکان ورکوونکو پیښو تجربه کول، د درملو او الکولو ناوړه استعمال هم د دې ناروغۍ د رامنځته کېدو لامل کېدای شي. همداراز د ماغزو جوړښت او فعالیت کې توپیر هم د دې ناروغۍ په رامنځته کیدو کې ونډه لوبولی شي.د دې ناروغۍ نښې نښانې بیلابیل دي او په دې پورې اړه لري چې ناروغ، د دوه قطبیت ناروغۍ ‘د شدید خپګان یا خوشاله مزاج’ له کوم پړاو څخه تیریږي.
