د ننګرهار والي مولوي فدا محمد د خپلواکی د ورځ مبارکي
![IMG 20210729 090009 921](https://afghannow.net/wp-content/uploads/2021/07/IMG_20210729_090009_921.webp)
د ننګرهار والي مولوي فدا محمد د خپلواکی د ورځ مبارکي .مهم پيغام د ننګرهار پتمنو ولسونو او د جلال اباد قدرمنو ښاریانو!تر هرڅه لومړی د خپلواکۍ د بېرته ګټلو د ۱۰۲ یمې کالیزې د را رسیدو له امله تاسې ټولو ته مبارکي وایم.
او تاسې ته ډاډ درکوم چې د افتخاراتو ډکه دغه ورځ به د غازي شاه امان الله خان مزار ته څېرمه په امیرشهید بڼ کې په شاندارو مراسمو سره لمانځل کېږي.یو شمېر کسان غواړي چې ستاسې د سپېڅلو احساساتو څخه په ګټې اخیستنې په ښار او ولسوالیو کې د ملي بیرغ او خپلواکۍ ورځې د نمانځنې تر نامه لاندې ګډوډي جوړه کړي.
![20210819 113209](https://afghannow.net/wp-content/uploads/2021/08/20210819-113209-1024x985.jpg)
ددې لپاره چې کومه خواشینوونکې پېښه رامنځته نشي، له تاسې مجاهد ولس هیله کوم چې د استقلال ورځې د لمانځنې مراسمو ته په دوه بجې امیرشهید بڼ ته تشريف يوسئ، زموږ امنيتي مسئولين به ستاسو امنيت ونيسي.
یادونه: هغه کسان چې له دې خبرتیا وروسته بيا هم په ښار او ولسوالیو کې د ګډوډۍ هڅه کوي، که کوم تکلیف ورته ورسیده، مسؤلیت به يې په خپله غاړه وي.
درنښت.
شیخ الحدیث مولوي ندا محمد ندیم
د ننګرهار ولایت والي