د نړۍ ډېر سرمايه لرونکي کسان څوک دي؟

مسعوداپریل 24, 2023

forbes top 10 richest people in the world 1200x675 1

په نړۍ کې د آزاد بازار مالي سيستم له رواج کېدو وروسته ځينې کسان د ډېرې زياتې سرمايې خاوندان شول آن تر دې چې د يوه کس سرمايه د څو هېوادونو له سرمايې زياته شوه. تاسې په دغه ليکنه کې د نړۍ لس پيسه داران پيژندلی شئ

۱- برنارد آرنولټ:

فرانسوي برنارد آرنولټ اوس مهال د نړۍ تر ټولو ډېر سرمايه لرونکي دی. آرنولټ ۷۴ کلن دی او د LVMH شرکت بنسټ ایښودونکی او رييس دی. نوموړی اوس وخت ۱۸۸ ميليارده امريکايي ډالره سرمايه لري چې په ټوله نړۍ کې د ډېرې سرمايه لرونکو خلکو په سر کې ځای لري.

نور ولولئ: ایلان ماسک یو ځل بیا د نړۍ ترټولو شتمن کس شو

۲- اېلون ماسک:

امريکايي اېلون ماسک د ۱۸۰ ميليارده ډالرو په لرلو سره د نړۍ دويم زيات سرمایه لرونکی دی. ۵۱ کلن اېلون ماسک د SpaceX او ټسلا بنسټ ايښودونکی او رييس دی او همدارنګه د ټويټر ټولنيزې رسنۍ اوسنی مالک هم دی.

۳- جېف بيزوس:

د امازون لوی شرکت بنسټ ایښودونکی او رييس جېف بيزوس د نړۍ دريم ډېر سرمايه لرونکی دی. امريکايي جېف بيزوس اوس مهال ۱۲۴ ميليارده امريکايي ډالره سرمايه لري. جېف بيزوس ۵۹ کاله عمر لري.

۴– بېل ګېټس:

بېل ګېټس هم امريکايی دی چې د نړۍ څلورم ډېر سرمايه لرونکی دی. بېل ګېټس اوس وخت ۱۱۵ ميليارده ډالره سرمايه لري. نوموړی د مايکروسافټ کمپنۍ مشر او جوړونکی دی چې اوس ۶۷ کاله عمر لري.

۵- وارن بوفيټ:

وارن بوفيټ د نړۍ پنځم او د امريکا متحده ايالاتو ۴ زيات سرمایه لرونکی دی. وارن بوفيټ ۱۰۶ ميليارده امريکايي ډالره سرمايه لري. نوموړی ۹۲ کلن دی او د بيرکشير هيټوې کمپنۍ بنسټ ايښودونکی او رييس دی.

۶- لاري الېسون:

لاري الېسون د ۱۰۱ ميليارده امريکايي ډالرو په لرلو د نړۍ شپږم ډېر سرمايه لرونکی دی. لاري الېسون د امريکا کمپيوټري ټيکنالوژۍ بنسټ ايښودونکی او رييس دی. امريکايي لاري الېسون د ۷۸ کلونو دی.

۷- سټېوو بالمر:

امريکايي سټېوو بالمر د نړۍ اووم ډېر سرمايه لرونکی دی. نوموړی اوس مهال ۹۷ ميليارده امريکايي ډالره سرمايه لري. د امريکا د لاسانجلېس اوسيدونکی سټېوو بالمر د مايکروسافټ کمپنۍ اجرايه رييس تېر شوی دی. نوموړی ۶۷ کاله عمر لري.