ځینې خلک د نیمې شپې وږي کېږي او که څه ونه خوري، نو تر هغو نه شي ویده کېدلی
تاسو هم له هغو یاست چې په نیمه شپه کې له خوبه راپاڅئ او بې اندازې زیات وږي یاست. کله مو هم فکر کړی چې ولې سړی په نیمه شپه کې وږی شي؟
لوږه یو بېړنی احساس دی، یانې کېدای شي چې د بدن وضیعت مو بدل کړي. له خوبه مو پاڅوي او مجبور مو کړي چې په نیمه شپه کې په پخلنځي کې دیګونه وپلټئ. که دا حالت څو ورځې پرله پسې دوام وکړي نو د ستونزي لامل کېږي او نه یوازې دا چې بد عادت دی، د خوب کیفیت مو هم خرابوي. مجبور یاست چې حل ورته پیدا کړئ. دلته به یې حللاره درښیو، خو غوره حللاره یې د خوراکي رژیم تغیرول دي.
ولې مو له خوبه پاڅوي؟
تاسو ارام ویده یاست، خو د بدن غړي مو فعالیت کوي، هغوی د هر فعالیت لپاره انرژۍ ته اړتیا لري، او دا انرژي د خوړو له لاري پوره کېږي.
دا ستونزه د زیاترو کسانو په خوراکي ريژیم پوري تړلي وي، مګر ډېری وخت د ځینو درملو خوړلو له امله هم دغسي ستونزې پیدا کېدای شي.
نور ولولئ: ښه خوب مو پر روغتیا مثبت اغېز کوي
ښایي درته جالبه معلومه شي، خو ډېر خوراک هم د شپې د وږي کېدو لامل کېږي، په ځانګړي ډول هغه خوراک چې نشایسته او شکر ولري. ځکه دا له حده زیات د ویني د شکر لامل کېږي، همدارنګه پانکرانس د انسولین هورمون په تولیدولو سره د وینې طریقه کموي او د لوږي لامل کېږي.
څېړونکي هم سپارښتنه کوي چې له خوبه وړاندې هغه مغذي خواړه وخورئ چې له ۲۰۰ کمه کالوري ولري، دا کولای شي چې میتابولیزم ښه کړي او د لوږي مخه ونیسي.
د خوب کموالی باید له منځه یوسی
د خوب کموالی یو بل له هغو لاملونو څخه دی چې په نیمه شپه کې د لوږي لامل کېدای شي. د خوب کموالی کېدای شي د وینې شکر کم کړي. او همدارنګه زیاتره وخت د خوب کموالی د شپې د لوږې لامل هم کېدای شي. ډېری خلک دا ستونزه لري، خو له دوی څخه ډېرو کمو خلکو ددې ستونزې د له منځه وړلو لپاره اقدام کړی دی تر څو ارام خوب ولري او په نیمه شپه کې د لوږي احساس ونه کړي. ډېری بیا د نیمي شپې وږي کېدلو پر لاملونو ځان نه پوهوي.
