اړوند خبرونه:
مارکو روبیو وايي، امریکا به د جي۲۰ هېوادونو غونډه کې ګډون ونه کړي
د هند لومړی وزیر وايي، جي۲۰ هېوادونو د افریقايي ټولنې دايمي غړیتوب منلی
د غیرانتفاعي سازمان “هیڅوک شاته نه پاتې کیږي” اعلان کړی چې د امریکا د استازو جرګې د قوانینو کمیټې د دوامداره حللارې “سیآر” له پرېکړهلیک دوه مهم مواد چې ۲۰ زره د افغانانو ځانګړې مهاجرت ویزې او د دې برنامې دوه کلن تمدید پکې شامل وو، لرې کړي دي.
د دې سازمان په وینا، دا اقدام په داسې حال کې ترسره شوی چې د ځانګړو مهاجرت ویزو لرونکي مخکې د خپلو ارزښتمنو خدماتو او د متحده ایالاتو ملي ګټو ته د خپل دوامداره ژمنتیا د تایید لپاره پرمختللي مراحل بشپړ کړي دي.
دې سازمان ټینګار کړی چې دا پریکړه د افغان مهاجرو د حقونو مدافعینو لپاره یوه ناکامي ګڼل کیږي، خو د دې افرادو د حقونو مدافع سازمانونه لا هم د خپلو هڅو د دوام ټینګار کوي.
په خپله اعلامیه کې دې سازمان ویلي: «موږ لا هم له خپلو دوه ګوندي شریکانو سره د همکارۍ ژمن یو ترڅو خپلو افغان متحدینو ته دغه ویزې تضمین کړو. زموږ کار د ځانګړو مهاجرت ویزو لرونکو لپاره د خوندي ځای په موندلو کې لا هم دوام لري او د دې کار اهمیت کم شوی نه دی.»
