ذبیح الله مجاهد: ملګرو ملتونو د افغانستان په جګړو کې هېڅ نه دي کړي
![mujahid (1)](https://afghannow.net/wp-content/uploads/2024/01/Mujahid-1-780x470.jpg)
دغه طالب ویاند وايي چې د افغانستان لپاره د ملګرو ملتونو هره وړاندې کړي نسخه ناکامه وه
څو ساعته وړاندې د افغانستان لپاره د روسیې ځانګړې استازي ضمیر کابلوف خبرداری ورکړ چې ډېر ژر به د افغانستان په اړه د ملګرو ملتونو تر مشرۍ لاندې غونډه راوبلل شي، خو ورپسې طالب ویاند وویل چې د افغانستان لپاره د ملګرو ملتونو نسخې ناکامې دي.
د ذبیح الله مجاهد دا غبرګون له هغه وروسته دی چې ملګري ملتونه غواړي د افغانستان په هکله په نږدې راتلونکي کې غونډه جوړه کړي.
ذبیح الله مجاهد نن د طالبانو تر واک لاندې ملي راډیو ټلویزیون سره په مرکه کې پر ملګرو ملتونو له نیوکو سره بیا هم ویلي، چې دا سازمان د نړیوال نظم لپاره ښه دی.
د ملګرو ملتونو تازه اقدامات
پر ملګرو ملتونو د ذبیح الله مجاهد دا نیوکه په داسې حال ده چې دا سازمان غواړي د افغانستان په هکله یوه غونډه جوړه کړي او هم یې تېره اونۍ د افغانستان لپاره د ځانګړي استازي د ګومارلو خبره هم وکړه.
نور ولولئ: پاکستان کې ناامني؛ ذبیح الله مجاهد وايي، د چترال برید افغانستان کې و پلان شوی
نور ولولئ: ذبیح الله مجاهد: د افغان ملي ماڼۍ د جوړولو چارې پیل شوې
نور ولولئ: ذبیح الله مجاهد وايي چې د امارت پر ضد د تبلیغاتو مخنیوي لپاره مولانا فضل الرحمان ته دعوت ورکړی
طالبان د دې استازي مخالف دي او وايي، یوناما چې شته، نو اضافي کس ته اړتیا نشته.
خو ملګري ملتونه غواړي د دې استازي په ټاکلو سره په افغانستان کې د نجونو او ښځو د زدکړو او کار، همدارنګه د ټولګډونه حکومت د جوړېدو په هکله کار وکړي.
ملګري ملتونه او نړیواله ټولنه له طالبانو د رسمیت پېژندلو او له دوی سره د تعامل لپاره هم د یادو ستونز حل غواړي.
خو ذبیح الله مجاهد په اوسنۍ مرکه کې وايي، طالبان غواړي د نړیوالو قوانینو په چوکاټ کې له نړۍ سره تعامل وکړي، خو نړیوال دې دوی ته شرطونه نه ږدي.
د طالبانو له لوري د خلکو ځورول او نیول
د طالبانو ویاند د یوناما د هغه وروستي راپور پروړاندې هم غبرګون وښود چې د دغې ډلې له خوا په افغانستان کې خپل سري نیونې کیږي.
نوموړي د یوناما د دې غوښتنې په ځواب کې چې د «خپلسري نیولو» مخه ونیول شي، وویل چې هیڅوک په خپل سر نه دي نیول شوي.
ذبیح الله مجاهد وایي، چې د دې ډلې کړنې “قانوني” دي او د “اسلامي شریع
ت د اصولو” پر بنسټ کېږي.
![briefing on the situation of afghanistan](https://afghannow.net/wp-content/uploads/2024/01/2014-12-18_sc_briefing_on_afghan_situation_in_nyc_unama_markg_3_5-300x174.jpg)
تر دې مخکې په افغانستان کې د ملګرو ملتونو د مرستندویه پلاوي دفتر (یوناما) له طالبانو غوښتي و چې د نجونو د تعلیم د ملاتړو په “خپلسري ډول نیول” بند کړي.
طالبان په داسې یوه موقف کې دي چې په نړیوال سیاست کې تر اوسه رسمیت نه لري او دوی هم نشي کولی د نړیوالو غوښتنو ته ځوابونه ووایي.