شیبه وړاندې د روسیې دفاع وزارت خبر ورکړ چې تازه یې د اوکراین ځینې ښارونه په نښه کړي دي
د روسیې بې پیلوټه الوتکو او توغندیو د کېیف، اودیسا، دنیپروپیتروفسک، خارکیف او لویو پر ښارونو بریدونه کړي دي.
نن جمعه (۲۹/۱۲/۲۰۲۳) د ځای وخت د سهار لومړیو ساعتونو کې د روسیې بې پیلوټه الوتکو او توغندیو د کېیف، اودیسا، دنیپروپیتروفسک، خارکیف او لویو پر ښارونو بریدونه کړي دي، چې ورسره په یادو ښارونو کې د هوايي بریدونو خبرداری هم غږولی شوی دی.
د روسیې دغو تازه بریدونو اوکراینیانو ته مرګ ژوبله هم اړولې ده.
د مسکو په دې وروسته برید کې لږ تر لږه ۱۰ تنه اوکرایني اتباع وژل شوي دي.
نور ولولئ: اوکراین ادعا کوي چې درې روسۍ جنګي جیټ راپرځولې
دا بریدونه د فیودوسیا بندر کې د اوکراین له لوري د روسیې پر یوې جنګي بېړۍ له برید وروسته شوي دي.
مسکو پر اوکراین کوم ډول مزایل توغولي؟
د اوکرایین د هوايي ځواک ویاند یوري ايحنات وايي: “روسیې له هایپرسونیک، بالستیک او ۲۲ (X۲۲ ) توغنديو څخه کار اخیستی، چې څارل او مخنیوی یې خورا ستونزمن دی.” په یادو بریدونو کې خارکیف چې د روسیې له پولې څلویښت کیلومتره لرې پروت دی هم په نښه شوی دی.
د کېیف ښاروال ویتالي کلیچکو وايي، پلازمینه کې د هوايي بریدونو دفاعي اداره هڅه کوي، چې د روسیې بریدونه شنډ کړي او له خلکو یې وغوښتل، چې په خوندي ځایونو کې پاتې شي.
په خارکیف ښار کې اوښتی زیان
د خارکیف ښاروال ایګور ترخوف هم ویلي، چې پر دې ښار د یو لړ بریدونو په ترڅ کې یو کس وژل شوی او څو نور ټپیان شوي دي.
نور ولولئ: د روسیې د بهرنیو استخباراتو مشر اوکراین د امریکا لپاره دویم مقام بللی
د اوکرایین په سویل کې د اودیسا ښاروال بیا وايي، چې د غورځیدلې بې پیلوټه الوتکې د ټوټو له امله یوې ودانۍ کې اور لګېدلی دی.
د اوکرايین په لوېديځ کې د لویو ښار ښاروال اندري سادوي هم وايي، چې په ښار کې لږ تر لږه دوه ځایونه په نښه شوي دي.
دا بریدونه یوه ورځ وروسته له هغې شوي، چې د اوکرایین ولسمشر ولادیمیر زیلینسکي د امریکا متحده ایالاتو لخوا د ۲۵۰ میلیون ډالرو پوځي مرستې له کبله مننه وکړه.
دا په داسې حال کې ده چې څو میاشتې وړاندې د اوکراین ولسمشر له غربي هېوادونو ګیله کړې وه او ویلي یې چې که د مرستو لاس ورنه کړي نو د مسکو پر وړاندې به اوسنۍ جګړه بایلي.
امریکا او غربي هېوادونه د مسکو پر وړاندې د اوکراین ملاتړ کوي او د جنګ لپاره پرمختللي وسلې ورته برابروي.
