شهزاده چارلس هم په کرونا اخته شوۍ
![کندهار ولايتي ادارې په کرونا باندې مصرف شوې بودېجې په اړه معلومات وړاندې کړل](https://afghannow.net/wp-content/uploads/2020/03/Virus-2.png)
د انګلستان شاهي قاميل بریتانیا شاهي کورنۍ اعلان کړی دی چې د ملکې الېزابت زوی شهزاده چارلس په کورونا وېروس اخته شوی، خو زیاتوي چې روغتیایي وضعیت یې ښه دی. د شاهي کورنۍ یوه ویاند ویلي چې ۷۱ کلن شهزاده د کورونا وېروس نښې ښودلي، خو د مېرمنې د ازموینو پایله یې منفي وه او هغه روغه ده.
دوی دواړو د اوس لپاره د سکاټلنډ په بالمورال ماڼۍ کې ځانونه له نورو خلکو ګوښه کړي دي.
د بکنګهم شاهي ماڼۍ ویلي، ملکې الېزابت تېر ځل د مارچ پر ۱۲مه نېټه له خپل زوی شهزاده چارلس سره لیدلي وو، خو د ملکې روغتیایي وضعیت ښه دی.
شاهي ماڼۍ وایي، ملکه الېزابت د خپلې روغتیا له لپاره ټولې اړینې سپارښتنې پر ځای کوي.
په خبرپاڼه کې راغلي، شهزاده چارلس په تېرو اوونیو کې په ګڼو غونډو کې ګډون کړی و او دا مالومول ناشونې ده چې له چا یې کورونا وېروس اخیستی.
![شهزاده چارلس هم په کرونا اخته شوۍ شهزاده چارلس هم په کرونا اخته شوۍ](https://afghannow.net/wp-content/uploads/2020/03/111417827_hi059923252.jpg)
د شهزاده چارلس د وضعیت په اړه هغو ټولو کسانو ته خبر ورکړل شوی دی چې ده ورسره په دې وروستیو کې لیدلي کتلي وو.
ویل کېږي چې د بالمورال ماڼۍ عمله یا کارکوونکي هم اوس په خپلو کورونو کې ناست دي او ځانونه یې ګوښه کړي.