طالبانو په ځوابي اقدام کې په توکو بار پاکستانۍ لارۍ د تورخم په دروازه له را اوښتو وګرځولې

د پاکستان او افغانستان د سوداګرۍ او صنایعو د ګډې خونې (PAJCCI) یوه جګپوړي غړي د پنجشنبې په ورځ وویل، د تورخم له لارې د بار وړونکو لاریو تګ راتګ بند شوی دی ځکه چې افغان چلوونکي “د ننوتلو موقتي سند” (TAD) نه لري.

د خیبرپښتونخوا لپاره د PAJCCI همغږي کوونکي ضیاءالحق سرحدي، ډان ورځپاڼې ته وویل چې د جولای په ۳۱ نیټه د افغان ټرک چلوونکو لپاره د TAD اخیستلو لپاره ټاکل شوې نېټه د چهارشنبې په شپه پای ته ورسیده.

سرحدي وويل: “پاکستان افغان موټر چلوونکو ته د جولاى تر ١٥مې پورې د TAD د ترلاسه کولو وخت ورکړى و. وروسته د افغان لوري په غوښتنه دا نېټه د جولاى تر ٣١مې پورې وغځول شوه.”

طالبان د ټاډ په اړه

هغه وویل چې افغان چارواکو پاکستان ته ویلي چې د اګست له لومړۍ نیټې څخه هغو موټر چلوونکو ته چې TAD نه لري اجازه ورنه کړي.

نور ولولئ:  د سیمه ییزې سوداګرۍ نوې هوکړه او پاکستان

نور ولولئ: د پاکستان د سوداګرۍ خونه؛ د کابل او اسلام اباد کړکېچ سوداګر زیانمن کړي

نور ولولئ: د تورخم دروازه د پاکستان له لوري د سوداګرۍ پر مخ وتړل شوه

ده زیاته کړه: “خو کله چې پاکستان د پرېکړې عملي کول پيل کړل او هغه افغان موټر چلوونکي يې ودرول چې ټيډ يې نه درلود، افغان لوري هم افغانستان ته د پاکستاني لاریو د ننوتو مخه ونيوله.”

د افغانستان د سوداګرۍ وزارت ویاند عبدالسلام جواد د بار وړونکو موټرو پر مخ د تورخم تړل کېدا تایید کړه. هغه وويل چې تر اوسه يو شمېر موټر چلوونکو د ټي ډي پيسې نه دي ترلاسه کړي.

جواد ډان ته وویل، “موږ د مسلې د حل لپاره له پاکستان سره په خبرو اترو بوخت یوو.”

د دوه اړخیړه سوداګرۍ اسانه کول

د جون په میاشت کې، د پاکستان حکومت د یوه پلان په پلي کولو پیل وکړ چې افغان ترانسپورترانو ته اجازه ورکوي چې په سرحدي نقطو کې د TAD په ښودلو سره پاکستان ته ننوځي ترڅو د دواړو هیوادونو ترمنځ چټکه دوه اړخیزه سوداګرۍ اسانه کړي.

خو له دې سره سره، ډیری افغان چلوونکو TAD نه دی ترلاسه کړی چې له کبله یې نن واردات او صادرات ودرول شول.

د مارچ په میاشت کې، پاکستان او افغانستان په کابل کې په خبرو کې موافقې ته ورسیدل چې د سوداګریزو موټرو چلوونکي باید د TAD واخلي.

د پاکستان د سوداګرۍ پخوانی معین محمد خرم اغا د مارچ له ۲۴ څخه تر ۲۷ پورې افغانستان ته تللی و او د افغانستان د سوداګرۍ له وزیر نورالدین عزیزي سره یې د دوه اړخیزې سوداګرۍ او ټرانزیټ په اړه خبرې کړې وې.

د ترانسپورترانو اسناد یوه پېچلې مسله وه چې له کبله یې د روان کال په جنورۍ میاشت کې د تورخم لار وتړل شوه.