عباس ستانکزي ویلي چې رسنۍ باید ازادې وي او محدودیت ورباندې وضع نه شي

پر رسنیو د محدودیتونو له لګولو سره هممهاله د طالبانو د بهرنیو چارو وزارت سیاسي معین شیرمحمد عباس ستانکزی وايي چې رسنۍ دې ازادې وي.

ستانکزي دا څرګندونې چهارشنبه د لیندۍ پر ۲۸مه په کابل کې د «اسلامي نظام په ټينګښت کې د رسنیو رول» تر سرلیک لاندې سیمینار کې کړې دي.

نوموړي خبرداری ورکړی

چې پر رسنیو د ډيرو بندیزونو لګول د ګټې پر ځای زیان اړوي.

هغه زیاته کړې: «زما غوښتنه له [طالبانو] دا ده چې زموږ رسنۍ پیاوړې کړي او ملاتړ ترې وکړي.»

د نوموړي په خبره، طالبان دې د جزيي مسایلو لپاره رسنیو ته ستونزې نه جوړوي.

دا په داسې حال کې ده چې په دې وروستیو کې ځینې ټلویزیوني شبکې د ژوندیو موجوداتو د عکسونو خپرولو لامله د ځنډېدو له ګواښ سره مخ شوې دي.

څه موده وړاندې د ازادۍ کور د ټلویزیون نړیوالې ورځې په مناسبت ویلي و چې پر افغانستان د طالبانو له بیاواکمنېدو وروسته د څه باندې ۳۰۰ رسنیو خپرونې بندې شوې دي.

د طالبانو تر واک لاندې افغانستان کې د هرې ورځې په تېرېدو رسنۍ بد حالت ته روانې دي او په زرګونو کارکوونکي یې بې کاره کېږي.

نور ولولئ:  د راډیو نړیواله ورځ؛ افغانستان کې راډیویي خپرونې ولې بې کیفیته دي؟

نور ولولئ:  طالبانو په خوست کې د «غرغښت» راډیو خپرونې بندې کړې

په خوست کې سرچینې وايي، طالبانو په دغه ولایت کې د ژمن او لونګ په نوم دوه خصوصي رادیووې بندې کړې.

په زیګنال کې د موسیقۍ خپرول

ژمن په زیګنال کې د موسیقۍ د نشر او لونګ هم تعلیمي پروګرامونو کې د نجونو د اړیکې له امله تړل شوې ده.

د افغانستان د خبریالانو مرکز هم یوه اعلامیه کې وايي، د طالبانو امربالمعروف کارکوونکو نن په خوست کې د ژمن په نامه د یوې خصوصي راډيو دفتر تړلی.

دغه مرکز د طالبا نو له لوري د راډیو د بندېدو لامل د خپرونو په زګنالونو کې د موسيقۍ شتون یاد کړی دی.

زدکوونکې د خپلو تعلیمي چارو د ښه والي لپاره له دې راډیو سره تماس نیسي، خو طالبانو دا ډول تماسونه هم بند کړي دي.

تر دې وړاندي طالبانو د لړم په ۱۰ مه په خوست کې د غرغښت په نوم راډيو هم د خپرونو په زګنالونو کې د موسيقۍ له کبله تړلې وه، چې وروسته یې بيرته د فعالیت اجازه ورکړه.

په خوست کې طالب استخباراتو، امربالعمروف او اطلاعاتو فرهنګ ادارو د رسنيو مسولينو او خبريالانو ته خبردارۍ ورکړی، چې د موسيقي خپرول په مکمل ډول بند دي او د سرغړونکو سره به قانوني چلند کوي.

طالبانو د بیاځلي واک ته رسېدو سره سم د عامو خلکو ترڅنګ په رسنیو پراخ بندیزونه لګولي دي.

دا مهال په خوست کې د طالبانو تر واکمنۍ لاندې د ملي راډيو او تلويزيون ترڅنګ ١٥ خصوصي راډيوګانې او درې خصوصي ټلويزيونونه فعاليت کوي.