اسپانیا وتوانېده چې د ۲۰۲۴ کال فوټبال اروپا جام پایلوبه کې انګلستان مات او قهرماني په خپل نوم کړي
د اسپانیا او انګلستان تر منځ دغه پایلوبه ننداره کوونکو او ګڼو هېوادونو ته خورا جالبه وه، ځکه دواړه لوبډلې هم غښتلي وې او هم د یوه او بل پر وړاندې تر ټولو سخت حریفان پاتې شوي دي.
د اسپانیا د فوټبال ملي لوبډلې د اروپا ۲۰۲۴ کال په پای لوبه کې انګلستان ته ۱-۲ ماتې ورکړه او د دې سیالیو قهرماني یې په خپل نوم کړه چې دغه له هیجانه ډکه بریا په سختو ولولو او شور سره ونمانځل شوه.
د اروپا غوره لوبډله
دا لوبه چې د برلین د المپیک په لوبغالي کې ترسره شوه، اسپانیا د خپلو ځوانو لوبغاړو لامین یامال او نیکو ویلیامز په شان د غوره نندارې په وړاندې کولو سره اتلولي وګټله او د اروپا تر ټولو ویاړلې لوبډله شوه.
دا څلورمه اتلولي ده چې اسپانیا یې په خپل نوم کوي.
نور ولولئ: په فوټبال کې تاریخي پېښې
نور ولولئ: فوټبال؛ افغانستان نړیوال جام ته د لار موندنې نوي پړاو ته ورسېده
نور ولولئ: د ښځو فوټبال نړیوال جام؛ حجاب لرونکې لوبغاړي د مینهوالو پام ور اړولی
دا لوبه د فرانسې د فرانسوا لیتکسیه په لوبڅارۍ ترسره شوه، چې لومړۍ نیمايي له کوم ګول پرته پای ته ورسېده.
د لوبې د دویمې نیمايي په ۴۷مه دقیقه کې د هسپانیې د لامین یامال په پاس نیکو ویلیامز انګلستان ته لومړۍ ګول ورکړ؛ خو انګلستان پالمر لوبغاړي په ۷۳ دقیقه کې ګول وکړ او لوبه یې مساوي کړه.
د اسپانیا لوبډله چا اتلولۍ ته ورسوله؟
د اسپانیا په لوبډله کې اکثره لوبغاړو په زړه پورې او له احساساتو ډکه لوبه وکړه، خو د لوبې په ۸۷ دقیقه کې اسپانیوي لوبغاړي اویارزابال دویم ګول وواهه او د همدغه ګول په کولو کې خپله لوبډله اتلولۍ ته ورسوله.
د دې لوبې په پای کې د اسپانیا ځوان لوبغاړی نیکو ویلیامز د لوبې غوره لوبغاړی وټاکل شو.
پر دې سربېره، د اروپا د ۲۰۲۴ کال جام غوره لوبغاړی روډري ونومول شو او د یامل په نوم لوبغاړی د ټورنمنټ ځوان لوبغاړی بلل شوی دی.
یامل لوبغاړی، له پایلوبې یوه ورځ مخکې ۱۷ کلن شو، خو دومره وړتیا یې درلوده چې د اسپانیې په اووه واړو لوبو کې راښکاره او ښه ولوبېده.
یامل د فوټبال په تاریخ کې تر ټولو ځوان ګول وهونکی یاد کړی شوی دی.
د یادونې وړ ده چې د فوټبال دغه پای لوبه بېګاه ناوخته ترسره او د اسپانیا په ګټه شوه چې په زرګونو نندارچیانو په کې ګدون کړی وو.
