اړوند خبرونه:
مارکو روبیو وايي، امریکا به د جي۲۰ هېوادونو غونډه کې ګډون ونه کړي
د هند لومړی وزیر وايي، جي۲۰ هېوادونو د افریقايي ټولنې دايمي غړیتوب منلی
د پاکستان لپاره د ملګرو ملتونو د کډوالو د عالي کمیشنری ویاند وایي چې خیبرپښتونخوا په پاکستان کې د ډېرو افغان کډوالو کوربه دی، او د دې هېواد پولیسو له دوی څخه غوښتي چې په درېیو اونیو کې خیبرپښتونخوا پرېږدي.
دې د ملګرو ملتونو چارواکي جیو نیوز پاکستان ته ویلي چې په پاکستان کې له دوه میلیونو او یو لک څخه ډېر افغان کډوال ژوند کوي چې له دې جملې څخه ۵۲ سلنه یې په پېښور کې ژوند کوي.
له بلې خوا، ځینې افغان کډوال په پاکستان کې وایي چې د پاکستان د پولیسو ځورونه او د رشوت اخیستنه په دې هېواد کې د دوی ژوند ستونزمن کړی دی.
دا په داسې حال کې ده چې د ۱۴۰۴ لمریز کال د حمل ۱۱مه نېټه، په پاکستان کې د افغان کډوالو لپاره وروستی مهلت ټاکل شوی دی. د پاکستان د کورنیو چارو وزارت له بې اسنادو کډوالو، په شمول د افغانستان د تابعیت کارت لرونکو، غوښتي چې له دې هېواده ووځي.
تازه، د ملګرو ملتونو د کډوالو د عالي کمیشنرۍ ویاند جیو نیوز ته ویلي چې ډېری دغه کډوال په خیبرپښتونخوا کې اوسیږي او د پاکستان د پولیسو لخوا ورته د دې ښار د پرېښودو توصیه شوې ده.
قیصر افریدی وایي: «له ۲.۱ میلیونه کډوالو څخه ۱.۳ میلیونه افغان کډوال دي چې د ثبت کارتونه یې ترلاسه کړي دي. له دې ډلې څخه ۵۲ سلنه په خیبرپښتونخوا کې ژوند کوي.»
که څه هم د پاکستان لخوا ټاکل شوی وروستی مهلت درې اونۍ پاتې دی؛ خو ځینې افغان کډوال وایي چې د دې هېواد پولیسو د هېواد د وګړو د نیولو او ځورولو لړۍ په مختلفو ښارونو کې زیاته کړې ده.
