په چین کې د مرګوني زلزلې وروسته لا هم خدماتي ډلې د مړو په راایستلو بوختې دي
اړوند مطالب:
د هرات زلزلهځپلو سره د مرستې لپاره څه باندې ۳۷ میلیونه ډالر تر لاسه شوي
د هرات زلزلهځپلو سره د امریکا ۱۲ میلیونه ډالر بشري مرسته
د ساړه ژمي یخې څپې او د هرات زلزله ځپلې کورنۍ
د راپورونو پر بنسټ، په چین کې د مرګونې زلزلې له امله د مړو شویو شمېر ۱۲۶ ته رسېدلی دی.
رویټرز خبري شبکې چهارشنبه د جنورۍ پر ۸مه، راپور ورکړی چې د دې پېښې په پایله کې ۱۸۸ نور کسان ټپیان شوي دي.
د راپورونو پر بنسټ، له ۴۰۰ ډېر کسان چې په زلزلهځپلې سیمه کې بند پاتې وو، ژغورل شوي او د سیمې ۳۰ زره اوسېدونکي خوندي ځای ته لېږدول شوي دي.
په راپور کې همداراز راغلي چې د تبت په شېګاتسه سیمه کې د زلزلې له امله له درې زره او ۶۰۹ څخه ډېر کورونه ویجاړ شوي دي.
د یادونې ده چې دې زلزلې تېره ورځ سهار په ډېر شدت سره د چین تبت سیمه ولړزوله.
د زلزلې ټکانونه د بوتان، هند او نیپال په ځینو برخو کې هم احساس شوي دي.
