د امریکا نوی منتخب ولسمشر ټرمپ وايي، داد باور وړ نه ده چې لا هم امریکا طالبانو ته میلیاردونه ډالر مرسته ورکوي
اړوند مطالب:
راتلونکې اوونۍ په کابل کې د سیمهییزو هېوادونو غونډه
طالبان د دوحې ناستې له اجنډا خبر نه لري
د افغانستان په تړاو د دوحې غونډې ته د حامد کرزي ګونګ پیغام
د امریکا ټاکل شوي ولسمشر ډونالډ ټرمپ له طالبانو سره د خپل هېواد مالی مرستې نه باورېدونکې وبللې او زیاته یې کړه، چې دا کار باید ونه شي.
ټرمپ د سه شنبي پر شپه په فلوریډا کې په یوه خبري کنفرانس کې له طالبانو سره د امریکا د مالي مرستو په اړه خبرې وکړې او یادونه یې وکړه چې طالبانو ته «میلیاردونه ډالر» لیږل کیږي.
هغه د امریکا پر اوسني ولسمشر جوبایډن نیوکه وکړه او ټینګار یې وکړ چې دا مرستې د هغه له خوا شوې دي.
دا په داسې حال کې ده، چې پرون د امریکا د کانګرس استازي تیم بورجټ په یوه لیک کې له ټرمپ غوښتي وو، چې پر طالبانو مالي مرستې بندې کړي.
په همدې حال کې د اېکس شبکې څښتن او ټرمپ ته نږدې کس ایلان ماسک د ټیم بورچټ د لیک په تړاو پوښتلي وو:« ایا امریکا رښتیا هم طالبانو ته میلیونونه ډالر لیږي؟
طالبانو ته د امریکا د مالي مرستو لېږل د امریکا د جمهوري غوښتونکو استازو او د بشري حقونو د فعالانو تر منځ یوه د بحث وړ مسأله ګرځېدلې ده.
بلخو، د افغانستان د بیارغونې لپاره د امریکا د ځانګړي پلټونکي دفتر (سیګار) وايي، واشنګټن په تېرو درېیو کلونو کې د طالبانو تر واک لاندې افغانستان سره د ۳.۳۳ میلیارده ډالره مرسته کړې ده.
