کام ایر هوايي شرکت به له دې وروسته خوست ولایت ته له مرکز کابل هم الوتنې کوي
تېره ورځ د پلازمېنې کابل څخه د خوست نړیوال هوایي ډګر ته د کام ایر هوایي شرکت له لوري لومړنی مستقيم پرواز ترسره شو.
کام ایر هوايي شرکت څو ورځې وړاندې ویلي و، چې د داخلي پروازونو په ترڅ کې به هره اونۍ دوه پروازونه د کابل او خوست ترمنځ ترسره کوي.
ياد پروازونه به هره پنجشنبه له کابل څخه خوست ته او هره جمعه له خوست څخه کابل ته، همدا راز هره يکشنبه له کابل څخه خوست ته او هره دوشنبه له خوست څخه کابل ته ترسره کېږي.
د یادونې ده، چې د یاد شرکت له لوري د ټکټ بیه ۵۰ ډالره ټاکل شوې ده.
