ګلبدین حکمتیار طالبانو سره مخامخ خبرو لپاره قطر ته سفر کوي
![ګلبدین حکمتیار طالبانو سره مخامخ خبرو لپاره قطر ته سفر کوي](https://afghannow.net/wp-content/uploads/2020/11/2c87a8646b8e868cf8fdecac7130562bdf638e8711121f54e87df03325c5c0ba.jpeg)
ګلبدین حکمتیار طالبانو سره مخامخ خبرو لپاره قطر ته سفر کوي ټاکل شوې، چې د حزب اسلامي امیر ګلبدین حکمتیار په نیږدې ورځو کې قطر ته په یوه سفر لاړشي. او هلته به د طالبانو سره مخامخ په افغان سوله وغږیږي.
ځينې سرچینیو ویلي چې مشر حکمتیار د دغه سفر په ترڅ کې د وسله والو طالبانو د سیاسي دفتر استازو سره د افغان سولې پر روانو هڅو خبرې وکړي.حکمتیار دې سفر نه څه موده وړاندې د پاکستان پلازمېنې اسلام اباد ته تلی و.هغه د اسلام اباد د سفر پرمهال د افغانستان دولت (د کابل لاسپوڅې او زر سقوط کیدونکې) اداره ګڼلې وه.حکمتیار دغه راز، افغان دولت د هندوستان په ملاتړ د سولې د روانو هڅو په تخریب او د جګړې د دوام په ملاتړ تورن کړی و.نوموړی غواړي چې د سولې خبرې جاري وي او هیڅ ډول خنډ پکې رامنځته نشي تر څو زر تر زره اوربند اعلان شي.
نوووړی باور لري، چې قطر ته له طالبانو سره د سولې خبرو لپاره ورغلی پلاوی حکومتي دی او د ټولو افغانانو استازیتوب نه شي کولای.نوموړي له دې کبله په دغه پلاوي کې د خپل ګوند له اړخه شامل غیرت بهیر نه و پریښی، چې طالبانو سره د افغان دولت په مذاکراتي پلاوي کې برخه واخلي.د حزب اسلامي مشر یو ځل وسله والو طالبانو ته دا هم ویلي، چې د ده ګوند سره د مشترکاتو د لرلو له کبله ایتلافي دولت جوړ کړي.وسله والو طالبانو د نوموړي غوښتنو ته رسماً تراوسه څه ځواب نه دی ویلی.
د پاکستان صدراعظم عمران خان، چې حکمتیار یې د هېواد له ترټولو مهمو نفوذي سیاستوالو ګڼل کیږي؛ څه موده مخکې ویلي و، چې حکمتیار د افغانستان اساسي قانون منلی او د تېرو ټاکنو نوماند یې و.هغه له شپیګل الماني رسنۍ سره دا نظر تر سولې وروسته د افغانستان په احتمالي بل نظام کې د حکمتیار د رول په اړه څرګند کړی و.
![ګلبدین حکمتیار طالبانو سره مخامخ خبرو لپاره قطر ته سفر کوي](https://afghannow.net/wp-content/uploads/2020/11/img-20201031-203742-730-1024x536.jpg)
حکومت کې ځینې لوړپوړي چارواکي او د حکمتیار منتقدین هغه په پرله پسې ډول پاکستان ته په کار کولو او د افغان نظامونو د سقوط په هڅو تورنوي.د ولسمشر غني یوه سلاکار وحید عمر حکمتیار د تاریخ تکراري او نه بښل کیدونکی خاین ګڼلی و.اسلام اباد ته د حکمتیار له سفر وروسته ولسمشر غني د هغه یو نیږدې پلوی او خپل سلاکار کریم امین د ارګ له سلاکارۍ او د حکمتیار زوم غیرت بهیر د مشرانو جرګې له انتصابۍ سناتورۍ ګوښه کړل.د دوی د ګوښه کیدو دلیل دا ښودل شوی و، چې حکمتیار سره اسلام اباد ته تلي او د افغان نظام خلاف سفر کې یې ګډون