د اروپايي ټولنې د بهرنۍ پالیسۍ مشرې، کایا کالاس د امریکا لخوا د آزادې اروپا/ راډیو آزادۍ د بودیجې پر قطع کېدو اندېښنه ښودلې او ټینګار یې کړی چې دا رسنۍ تل د ډیموکراسۍ یو څراغ پاتې شوی او خورا ارزښتناکه ده.
هغه د دوشنبې په ورځ (د مارچ ۱۷مه) په بروکسل کې خبریالانو ته ویلي چې اروپايي ټولنه نشي کولی په اتوماتيک ډول د رسنیو په تمویل کې د متحده ایالاتو ځای ونیسي.
د اروپايي ټولنې د بهرنۍ پالیسۍ د مشرې په وینا، دوی به د دې رسنۍ د تمویل لپاره ممکنه انتخابونه وڅیړي.
په دې وروستیو کې، د امریکا غږ مشر مایکل ابرامویټز اعلان وکړ چې د امریکا د ولسمشر ډونالډ ټرمپ له خوا د راډیو لیبرټي د کارمندانو د ګوښه کولو
د امریکا ولسمشر، ډونالډ ټرمپ یو اجرایوي فرمان صادر کړی چې پکې د اوو فدرالي ادارو د فعالیتونو د اعظمي کمولو غوښتنه شوې، په شمول د هغه ادارې چې د امریکا غږ او نورو دولتي رسنیو څارنه کوي.
د یادونې وړ ده چې د آزادې اروپا راډیو/آزادۍ راډیو او د امریکا غږ، چې په ۵۰ ژبو فعالیت کوي، په افغانستان کې په پښتو او فارسي ژبو هم فعال دي، چې په افغانستان او ایران کې ډېر اورېدونکي لري.
