اړوند خبرونه:
د افغانستان سرپل ولایت کې هره ورځ د ۹۰۰ټنه نفتو استخراج
شهاب الدین دلاور: چنايي شرکت ته هله کانونه ورکوو چې افغانستان کې پروسس وکړي
د ازبکستان ولسمشر، شوکت میرضیایف یو وار بیا د افغانستان له سرپرست حکومت سره د نړۍ پر تعامل ټینګار کړی او دلته یې اقتصادي پرمختګ د ټولې سیمې د پرمختګ کیلي بللې ده.
د ازبکستان ولسمشر دا څرګندونې د تاشکند نړیوال پانګولۍ په فورم کې کړې، او ویلي یې دي چې د افغانستان له اوسني حکومت سره د نړیوالو رغنده تعامل مهم دی.
ښاغلي میرضیایف دا هم ویلي چې د افغانستان ټیکاو او اقتصادي پرمختګ د ټولې سیمې د دوامدار پرمختګ کیلي ده.
د ازبکستان ولسمشر تر دې مخکې هم بار بار له اسلامي امارت سره د نړۍ پر تعامل ټینګار کړی و او دلته یې ثبات او امنیت د ټولې سیمې لپاره مهم بللی و.
ازبکستان هغه هېواد دی چې په افغانستان کې یې د اسلامي امارت له بیاځلي واکمنېدو وروسته له افغان چارواکو سره نږدې اړیکې پاللې او د یاد هېواد د بېلابېلو برخو چارواکو افغانستان ته سفرونه کړي دي.
بلخوا د اسلامي امارت چارواکو هم تر دې مخکې د افغانستان په اړه د ازبکستاني چارواکو دریځ ستایلی دی.
