اسټرالیایي لوبغاړو د سریلانکا د سفر په اړه اندېښنې څرګندې کړې دي

ځړول شوی:مې 27, 2022 لخوا ځړول شوی:مسعود تبصرې:0

د اسټرالیا کرکټ ملي لوبډلې یو شمېر لوبغاړو د سریلانکا د سفر په اړه اندېښنې څرګندې کړې دي. وایي په دغه هېواد کې حالات سم نه دي.

د رسنیو د راپورونو له مخې، د اسټرالیا کرکټ لوبغاړي په دې نظر دي چې سریلانکا د پټرولو له کمښت، د بریښنا لع کمښت، د درملو له کمښت او انفلاسیون سره مخ ده، چې دا حالت اندیښنې زېږوي.

له بلې خوا د اسټرالیا کرکټ بورډ وايي چې هیڅ اسټرالیايي کرکټر له دې سفره د بهر کېدو اعلان نه دی کړی او تر اوسه مو د سفر په اړه پرېکړه کې تغیر نه دی راغلی.

نور یی ولوله | د تاجکستان په دوشنبې ښار کې د افغانستان په اړه دوه ورځنۍ غونډه

د اسټرالیا د کرکټ لوبغاړو د ټولنې اجراییه رییس وايي، په داسې حال کې چې ځینو کرکټرانو اخلاقي پوښتنې راپورته کړي، خو د اسټرالیا کرکټ لوبغاړي به د چارواکو پریکړه ومني.

د اسټرالیا کرکټ د معلوماتو له مخې، تر اوسه د سریلانکا سفر له مهالویش سره سم ترسره کېږي. ټاکل شوې د اسټرالیا لوبډله د جون په میاشت کې له سریلانکا سره د ټیسټ، یو ورځنیو او شل اوریزو لوبو لړۍ ترسره کړي.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.