اړوند خبرونه:
سخت اورښت او طوفان د افغانستان په ۳ ولایتونو کې ۳۲ تنه مړه کړي
افغانستان کې په وروستیو سیلابونو کې ۴۰ تنه مړه شوي
نن او سبا په افغانستان کې د ۱۷ ولایتونو په ګډون د سیلابونو د راتلو احتمال موجود دی.
د طالبانو د حکومت د انرژۍ او اوبو وزارت په خبرپاڼه کې اعلان کړی چې د غور، بادغیس، غزني، ارزګان، جوزجان، فاریاب، سرپل، بلخ، سمنګان، پنجشیر، لوګر، لغمان، کونړ، بغلان، بدخشان، تخار او کندز ولایتونو کې د بارانونو له امله د سیندونو د اوبو کچه لوړه شوې او د سیلابونو د راتلو خطر موجود دی.
د نړیوال خوراکي پروګرام د راپور په اساس، تېر کال په افغانستان کې له ۱۶۰ زرو څخه زیات خلک د سیلابونو له امله زیانمن شوي وو او زرګونه کورونه او کرنیزې ځمکې ویجاړې شوې وې.
د یادونې وړ ده چې طالبان د طبیعي پېښو پر وړاندې چمتوالي کې پاتې راغلي او اکثره سیمو خلک ددوی له کمزوري مدیریت سر ټکوي.
