د افغان ښځو د ملاتړ لپاره د امریکا نوې طرحه

ځړول شوی:سپتمبر 22, 2022 لخوا ځړول شوی:مسعود تبصرې:0

د امریکا د بهرنیو چارو وزارت د افغانستان د مېرمنو د ملاتړ لپاره نوې طرحه اعلان کړه. د دغې طرحې له مخې، په راتلونکو کلونو کې به کابو یو مېلیون افغان ښځې او نجونې د خصوصي او مدني ټولنې په برخو کې وروزل شي..

د ښځو حقوق

دا طرحه به د امریکا د بوسټون پوهنتون په همکارۍ عملي شي. د امریکا د بهرنیو چارو وزیر انټوني بلېنکن وايي:«دا یو خصوصي عامه مشارکت دی چې زده کړو ته د لاسرسي، کاري فرصتونو په برابرولو او په افغانستان کې او نورو هېوادونو کې له سوداګرو مېرمنو د ملاتړ په برخو کې مرسته کوي، زه نه وایم چې دا ساده کار دی، هغو محدودیتونو ته په پام سره چې د طالبانو له خوا لګول شوي، دا به ګران کار وي. خو موږ ژمن یوو چې په افغانستان کې ښځو ته په خوندي توګه دا ملاتړ برابر کړو.

د امریکا طرحه

د امریکا د بهرنیو چارو وزیر په هغه ناسته کې چې په همدې موخه د ملګروملتونو سازمان د عمومي اسمبلي د غونډې په څنډه کې ترسره شوه، وایي چې دوه زره افغان مېرمنې به په لومړي پړاو کې په دې طرحه کې شاملې شي. ښاغلي بلېنکن زیاتوي:«له پاد کمپنۍ سره په ګډه چې د امریکا د ټکنالوژۍ یوه کمپنۍ ده، د افغانستان د یو مېلیون ښځو او نجونو د روزنې نوښت پروګرام دا طرحه به پیل کړي. دا پروګرام به له پاد سره مرسته وکړي چې په لومړي سر کې له لرې د دوه زره افغان مېرمنو لپاره د مسلکي زده کړو خدمات وړاندې کړي.

له بلخوا، یو شمېر مېرمنې دا ډول پروګرامونه د افغان ښځو د اقتصاد په وده کې ګټور بولي او وایي چې په اوسني وخت کې په هېواد کې ډېری مېرمنو خپلې دندې له لاسه ورکړې دي. مدني فعاله منیژه ناصري وايي:«د نجونو لپاره دې دا ډول پروګرامونه دې پيل شي. په ډاډ سره چې هغوی کولای شي ډېره وده وکړي لکه څرنګه چې موږ او تاسې پوهېږو چې مېرمنې د ټولنې نیمه طبقه جوړوي.

نور یی ولوله | د اسلامي امارت تازه ګمازنې

نور یی ولوله | د قطر امیر:مه پرېږدئ افغانستان د ترهګرو په پټن ځای بدل شي

مدني فعالان

مدني فعالې حسنا رسولي هم وویل:«په دې وروستیو کې وینوو چې نجونې ډېر زیان کړی دی. یعنې د زده کړو له حقه لرې پاتې دي. خپلې دندې یې له لاسه ورکړې دي. یعنې له ډېرو اقتصادي ستونزو سره مخامخ شوې دي. له بلخوا، د افغانستان د ښځو د سوداګرۍ او صنایع خونې مسوولینې وايي چې په اوسني وخت کې څه د پاسه څلور زره مېرمنو په بېلابېلو برخو کې پانګونه کړې او مالي ملاتړ ته اړتیا لري.

د ښځو د حقونو ادارې

د افغانستان د ښځو د سوداګرۍ او صنایع خونې سرپرسته رویا حافظي څرګندوي:«هغه نجونې چې په افغانستان کې ژوند کوي، د تحولاتو له راتګ سره له یو لړ بندیزونه پرې لګول شوي. البته دې ته په پام سره چې ډېری ښځې دولتي او حکومتي ادارو ته د کار لپاره تلای نه شي او همدارنګه بلخوا نجونې دي چې ښوونځي ته تلای نه شي.

ځواب دلته پرېږدئ

ستاسو برېښناليک به نه خپريږي.