د امریکا او اروپا د بندیزونو باوجود روسیې او افغانستان د سوداګرۍ د پراخولو تړون لاسلیک کړ

ځړول شوی:جون 26, 2022 لخوا ځړول شوی:مسعود تبصرې:0

په افغانستان کې د طالبانو حکومت د امریکا له سختو اقتصادي بندیزونو سره مخامخ دی

پداسې حال کې چې روسیه او په افغانستان کې د طالبانو حکومت د متحده ایالاتو او اروپایي هیوادونو د جدي اقتصادي بندیزونو سره مخ دي خو مسکو او کابل تازه د سوداګرۍ د پراخولو تړون لاسلیک کړی. د افغانستان د سوداګرۍ او صنایعو خونې او د افغانستان لپاره د روسیې د سوداګرۍ همکارۍ شورا دا تړون په همدې روانې اوونۍ کې د روسیې د سینټ پیټسبرګ په ښار کې لاسلیک کړ.

د افغانستان د سوداګرۍ او صنایعو خونې د ادارې مرستیال محمد یونس مهمند چې دا تړون یې د افغانستان لپاره د روسیې د سوداګرۍ همکارۍ د شورا مشر دمیترې انتانوف سره لاسلیک کړ، وایي “غواړو چې د سوداګرۍ دوه اړخیزې اړیکې او آن سمیه ایز صادارت او واردات قوي کاندو”.

ښاغلي مهمند امریکا غږ ته وویل چې روسیه دیته لیواله ده چې سیمه ایزه سوداګري پراخه شي او له همدې کبله یې د سینټ پیټسبرګ په ښار کې د اقتصادي فورم په یوې فرعې غونډې کې د ایران سره هم اوږدمهال تړون لاسلیک کړ. هغه زیاته کړه، ” په حقیقت کې بندیزونه مونږ ربرړوي خو لاس تر زنې نشو کښیناستلی چې یوازې وګورو”.

د روسیې او طالبانو په شان د ایران اسلامي جمهوریت هم د جنجالي اتومي پروګرام او د دې تور له کبله چې په منځني ختیځ کې د ترهګرو ډلو ملاتړ کوي، د کافي زیاتې مودې راهیسې د امریکا د اقتصادي بندیزونو سره مخ دی..

نور یی ولوله | افغانستان د روسیې له خصوصي سکټور سره د همکارۍ هوکړه‌لیک لاسلیک کړ

نور یی ولوله | افغانستان له روسیې سره د سوداګرۍ پراختیا په موخه هوکړه‌لیک لاسلیکوي

 

د افغانستان دې چارواکي د روسیې سره د سوداګرۍ دا تړون غیر سیاسي وباله خو زیاته یې کړه چې د تطبیق کیدو لپاره یې د روسیې او طالبانو د حکومت ملاتړ شرط دی. ښاغلي مهمند امریکا غږ ته دا هم وویل چې ښایي ډیر ژر د طالبانو یو پلاوی مسکو ته ولاړ شي چې د دې تړون د تطبیق کیدو لپاره عملي لاري چارې ولټوي.

طالبان له شاوخوا یوې لسیزې راهیسې په افغانستان کې واک لري

په واشنګټن کې د روسیې سفارت ددې تړون په هکله د امریکا غږ پوښتنې ته ځواب ونه وایه. طالبان نږدې لس میاشتې کیږي چې په افغانستان کې واک ته رسیدلي او نه د روسیې په ګډون د نړۍ هیڅ یو هیواد یا ادارې تر اوسه ددې ډلې حکومت په رسمیت ندی پیژندلی خو مسکو د طالبانو دپلوماتانو ته باور لیکونه ورکړي او هم یې په کابل کې خپل سفارت ندی تړلی.

د دې تړون له مخې به افغانستان د روسیې څخه غنم او تیل په ارزانه بیه واردوي. ښاغلي مهمند پدې هکله وویل، مونږ هره میاشت ۱۵۰ زره ټنه سون موادو ته اړتیا لري او باید د روسیې څخه ۲ ملیونه ټنه غنم هم وارد کړو

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.