د اوکراین چارواکو تایید کړي چې د روسیې په برید کې درې په عمر تېر کسان وژل شوي
اوکراییني چارواکي وایي د دغه هېواد په ختیځ کې لیمان ښار ته نږدې د روسیې د توپخانې په ډزو کې درې کسان وژل شوي او دوه نور ټپيان دي.
دوی ویلي، چې په دغو بریدونو کې دوه کلي په نښه شوي دي.
نور ولولئ: روسیه: د اوکراین باخموت ښار مو نیولی؛ اوکراین وايي جګړه لا روانه ده
ځايي چارواکي وايي په وژل شویو کې دوه ښځې او یو سړی چې عمرونه یې د ۶۳ او ۸۸ کلونو ترمنځ وو.
هغه سیمه چې دغو کسانو ته پکې مرګژوبله اوښتې د جګړې لومړۍ کرښې ته نږدې پرته ده او دا ډول بریدونه پرې ډېر کېږي.
درې کسان وژل شوي او یو ټپي دی
د اوکرایین د ډونېڅګ سیمې مشر پاولو کیریلینکو پر ټېلېګرام لیکلي چې د روسي توپخانې ډوز دغه مرګژوبله په تورڅکې کلي کې اړولې ده.
هغه ویلي “درې کسان وژل شوي، یو ټپي دی.”
دغه برید په ځايي وخت د سې شنبې نږدې اووه بجې شوی دی. تر دې شاوخوا نیم ساعت وروسته زاکیتنې کلی هم تر برید لاندې راغلی.
د ډونېڅک سیمې څارنوالۍ پر خپله فېسبوک پاڼه لیکلي چې دغلته یو ۲۶ کلن سړی ټپي شوی دی.
له بندري ښاره هم د ډزو غږونه اورېدل کېدل
له دې سره هممهاله د روسیې لخوا د اوکرایین د نیول شوې کریمیا ټاپو وزمې له سېواستوپول بندري ښاره هم د چاودنو خبر ور کړ شوی دی.
خو د روسیې لخوا دې ټاپو وزمې ته ګومارل شوي والي ویلي، چې ډزې او غږونه د دوی د سمندري ځواکونو د تمریناتو وو.
پر دې سربېره د اوکرایین د شمال ختیځ په سومي سیمه کې هم د هاوانونو او دوو ډرون الوتکو په بریدونو کې د څلور کسانو د ټپي کېدو ویل شوي دي.
نور ولولئ: جوبایډن: اوکرایني ځواکونو ته کلاسټر او هاوېتزرس له وسلو ورکولو دفاع کوم
سیمه ییزې پوځې ادارې پر خواله رسنۍ ویلي چې په دغو بریدونو کې په سېرېدیانا-بودا سیمه کې د ملکي استوګنې یوې ودانۍ ته زیان اوښتی دی.
دا په داسې حال کې ده چې په دې وروستیو کې اکراین ته د خوشهیي وسلو له ورکړې سره امریکا توافق وکړ او ددې تر څنګ یې اوکراین ته د ایف ۱۶ جیټ الوتکو ژمنه هم کړې ده.
