د بشري حقونو څار سازمان په تازه راپور کې ویلي چې طالبانو افغانستان د بشري حقونو جدي بحران سره مخامخ کړی دی
د بشري حقونو د څار سازمان: افغانستان په نړیواله کچه د بشري حقونو ” تر ټولو جدي بحران” سره مخ دی
د بشري حقونو د څار سازمان وايي، طالبانو واک ته له بیا ځلي رسېدو وروسته په تېرو دوه نیمو کلونو کې په افغانستان کې د نړۍ په کچه د بشري حقونو تر ټولو جدي بحران رامنځته کړی دی.
دې سازمان پرون په یوه راپور کې چې د دې ادارې د ښځو د برخې مرستیالې هېدر له قوله یې خپور کړی لیکلي، طالبانو په سیسټماټیک ډول د نجونو او ښځو حقونه په ځانګړي ډول د دوی زدهکړو، کار، سفر، سیاسي مشارکت او بیان ازادۍ حقونه نقض کړي دي.
له نجونو سره د طالبانو بد چلند
د بشري حقونو سازمان په دې راپور کې ادعا کړې چې نړۍ او افغانستان په تېرو ۷۵ کلونو کې یعنې د بشري حقونو د نړیوالې اعلامیې له تصویب وروسته، د طالبانو د لومړۍ واکمنۍ پرته؛ له نجونو او ښځو سره د داسې بد چلند شاهد نهدی پاتې شوی.
نور ولولئ: د طالبانو په زندانونو کې د پخوانيو پوځیانو د ربړونې دوام
نور ولولئ: د بشري حقونو د څار سازمان: طالبان د ښځو او نجونو په مجازات سره د بشريت ضد جرم کوي
نور ولولئ: د بشري حقونو څارونکي: د طالبانو له لوري ښځینه حقوقي فعالانې شکنجه کېږي
هېدر بار: نړیوال دې طالبانو ته د پروټوکول پر ځای په غونډو او کنفرانسونو کې د دوی د ګډون او سفرونو مخه ونیسي
هېدر بار: نړیوال دې طالبانو ته د پروټوکول پر ځای په غونډو او کنفرانسونو کې د دوی د ګډون او سفرونو مخه ونیسي
د طالبانو حکومت تر اوسه د بشري حقونو څار سازمان د دې راپور په اړه غبرګون نهدی ښودلی، خو وړاندې ویلي چې د اسلامي شریعت له مخې یې ټولو افغانانو ته د هغوی حقوق ورکړي دي.
د طالبانو له لوري د ښځو شکنجه
د بشري حقونو څار سازمان بیا په خپل راپور کې یادونه کوي چې طالبان هغه ښځې چې د دې وضعیت پر ضد غږ پورته کوي، په خپلسري شکل نیسي، شکنجه کوي یې، سپکاوی ورته کوي او ان ورکوي یې.
دې سازمان له نجونو او ښځو سره د طالبانو د دې بد چلند پر وړاندې د نړیوالې ټولنې غبرګون ډېر ورو بللی او زیاتوي، نړیوالې ټولنې افغان نجونو او ښځو ته پاملرنه نهده کړې.
دا سازمان لیکي، د بشري حقونو څار سازمان، د بښنې نړیوال سازمان، د حقوق پوهانو نړیوال کمېسیون او یو شمېر نور بنسټونه دې پایلې ته رسېدلي چې طالبانو د جنسیت پر بنسټ جنایات کړي او دې موضوع ته رسېدنه د عدالت نړیوالې محکمې او د جرمونو نړیوالې محکمې په واک کې ده.
