د سیریز له ګټلو وروسته حشمت الله شهیدي پېغام خپور کړ

ځړول شوی:جون 10, 2022 لخوا ځړول شوی:مسعود تبصرې:0

حشمت الله شهیدي په ټولنیزو رسنیو کې مینه والو ته د مبارکۍ پیغام خپور کړ

افغانستان د زمبابوې لوبډلې ته په درې واړه نړیوالو یو ورځنیو لوبو کې ماتې ورکړه او د ۳۰ نومرو په ترلاسه کولو سره سوپر لیګ کې يې هم دویم مقام خپل کړ.

د سیریز له ګټلو وروسته د ملي لوبډلې لوبډلمشر حشمت الله شهیدي په ټولنیزو رسنیو کې یو پېغام خپور کړ او مینه والو ته يې مبارکي هم ورکړه.هغه په خپل پېغام کې لیکلي: الحمدالله! درنو هېوادوالو د هر څه د مخه مو نننۍ بريا د زمبابوې هېواد په وړاندې مبارک شه! خوشحاله يم چې ستاسو ملي لوبډله چې د کومې موخې لپاره (د کرکټ نړیوالې شورا سوپر لیګ) کې د 30 مهمو او حياتي امتيازونو ترلاسه کول وو ورسيده.

 نور یی ولوله | د قزاقستان ناسته؛ په افغانستان کې سوله د سیمې په ګټه ده

 نور یی ولوله | اسلامي امارت هېواد ته د راستنو شویو کسانو د امنیت نیولو ډاډ ورکوي

هغه په خپل پوسټ کې زیاتوي: پرته له شکه چې د زمبابوې هېواد په وړاندې د يو ورځنيو لوبلړۍ د ګران هېواد افغانستان په نومولو کې، د ملي لوبډلې د لوبغاړو، روزونکو او د کرکټ بورډ د نورو کارمندانو زيار او کوښښ د ستايلو او قدرداني وړ دی.

راتلونکی شل اوریز نړیوال جام کې د ملي لوبډلې هڅونه

همدارنګه تاسو ټولو هېوادوالو څخه ډېره مننه کوم، چې خپله ملي لوبډله مو د تل په څېر تشويق او په خپلو دعاګانو کې ياده ساتلې ده. نوموړي همدا راز له افغانانو څخه وغوښتل: هيله ده چې د زمبابوې هېواد په وړاندې راتلونکې شل اوریزه لوبلړۍ کې ملي لوبډله تشویق او خپلو دعاګانو کې ياد وساتئ چه نور وياړونه هم د هيواد په نوم کړى.

ځواب دلته پرېږدئ

ستاسو برېښناليک به نه خپريږي.

زموږ په خبر پاڼه کې ګډون وکړئ
وروستي مقالې، دندې، وړیا، تفریحي خبرونه په مستقیم ډول ستاسو ان باکس ته وړاندې کړئ.
170000 پیرودونکي دلته دي.