د شهزاده سرای پرانستل شو
![0001 7184705146 20210904 093820 0000](https://afghannow.net/wp-content/uploads/2021/09/0001-7184705146-20210904-093820-0000.png)
د شهزاده سرای پرانستل شو.د افغانستان بانک نن په کابل ښار کې د شهزاده سرای د پرانیستل کېدو خبر ورکوي.دا په داسې حال کې چې د څوورځوراهیسې دغه سرای بند وون.
له دغه بانک څخه په خپره شوې اعلامیه کې راغلي چې دغه پرېکړه د افغانستان بانک او د صرافانو رهبرۍ ترمنځ په ګډه ناسته کې شوې ده.د افغانستان بانک ژمنه کړې چې په مالي او بانکي برخو کې به هېوادوالو ته لازمې اسانتیاوې برابرې کړي.
![fb img 1630731888760](https://afghannow.net/wp-content/uploads/2021/09/fb-img-1630731888760-1024x1024.jpg)
د دې تر څنګ د افغانستان بانک هېوادوالو ته ډاډ ورکړی چې امانتونه یې له دوی سره خوندي دي او په دې برخه کې هېڅ ستونزه نشته.پر همدغه مناسبت د افغانستان بانک ویلي، چې په مرکز او ولایتونو کې د سوداګریزو بانکونو فعالیتونه پیل شوي
او د جوړې شوې کړنلارې پر اساس به بانکي فعالیتونه دوام وکړي.افغانستان بانک وایي، دغه کړنلاره به تلپاتې نه وي، بلکې ډېر ژر به د بانکونو فعالیتونه بیرته پیل شي.
په ورته وخت کې له ویسټریونین وروسته د پیسو لیږدولو بل مشهور شرکت مني ګرام هم اعلان کړی، چې افغانستان ته یې له ټولې نړۍ څخه د پیسو لیږد له کوم اضافي لګښت پرته پیل کړی دی.