د طالبانو ستره محکمه وايي چې بامیانو ولایت کې یې د ۵ ښځو په ګډون ۱۳ تنه په درو وهلي دي
هاخوا ځینې افغانان پر طالبانو نیوکه کوي چې ددوی رژیم په لیکو کې طالب جنګیالي که پر غلا، زنا، اختطاف او نورو جرایمو ونیول شي، نو د سزا ورکولو پر ځای یوازې له دندې ګوښه کېږي، خو د طالبانو له لیکو بهر خلکو ته بیا په وړه تېروتنه هم سزاګانې ورکول کېږي.
د طالبانو سترې محکمې اعلان وکړ، چې په بامیان کې يې د پنځو ښځو په ګډون ۱۳کسان په درو وهلي دي.
یاد کسان د نامشروع اړیکو په تور مجازات شوي
دغې محکمې په یوه خبرپاڼه کې لیکلي، چې دغو کسانو ته د بامیان ولایت په مرکز کې د «د نامشروع اړیکو»، له کوره د تېښتې، قتل او غلا په جرم سزا ورکړل شوې ده.
د دغې محکمې د چهارشنبې د ورځي د خبرپاڼې له مخې؛ د دغو کسانو په درو وهلو سزا د باميانو د ابتدايه دیوان د جنايي محکمې په حکم او د طالبانو د سترې محکمې د جزايي محکمې په تایدۍ سره صادره شوه.
نور ولولئ: طالبان نور چاته خپلسرې سزاګانې نه شي ورکولی
نور ولولئ: د طالبانو ۲۵۰۰ کسان په تیري، قتل، اختطاف، غلا او نورو جرمونو کې ښکېل او بندیان دي
نور ولولئ: طالبانو په پکتیا کې پنځه تنه عام محضر کې په درو وهلي
په خبرپاڼه کې ویل شوي، چې له دې جملې پنځه کسان د «زنا» او «نامشروع اړیکو» په تور د ۳۹ دورو په وهلو سره په دوه کاله بند محکوم شوي دي.
د اعلامیې له مخې؛ څلور نور کسان له کوره د تېښتې په تور هر یو ته د یو کال بند او ۳۹ درو سزا ورکول شوې ده.
دوه کسان نور د قتل او غلا په تور په اوه کاله بند محکوم او هر یو ۳۹ دُرې وهل شوی.
د طالبانو پر وړاندې د بشري حقونو سازمان غبرګون
د طالبانو سترې محکمې لیکلي، چې دوه کسان د «نامشروع اړیکو» په تور په یو کال بند او ۳۰ درهمو محکوم شوي دي.
د مرغومي په میاشت کې هم طالبانو د «لواطت» په تور څلور کسان په ۳۹ درو وهلي وو.
تر دې وړاندې هم د بشري حقونو سازمانونو او نړۍوالې ټولنې په وار- وار له طالبانو غوښتي، چې د تورنو کسانو په وهلو، لاس پرې کولو او له اعدامولو لاس واخلي.
خو طالب چارواکو ویلي، چې دوی اسلامي شریعت نافذوي او هېوادونه او نړۍوال بنسټونه باید د افغانستان په کورنیو چارو کې لاسوهنه ونه کړي.
بلخوا خلک پر طالبانو نیوکه کوي چې ددوی جنګیالیو ته جرمونو په مقابل کې سزا نه ورکوي او یوازې یې له دندو ګوښه کوي.
