په دغو ځنګلونو کې لګېدلي اور تر ۴۰ زیات کسان وژلي او په زرګونه کسان له سیمې ایستل شوي
د رودېس ټاپو کې بېړنی حالت اعلان شوی. کورفو او ایویا ته هم د اور لمبې رسیدلې دي. دمګړۍ د تودوخې روانه څپه کې د کمښت هیڅ نښه نه لیدل کېږي.
بلخوا اټکل کېږي، چې د یونان په ځینو برخو کې به د تودوخې درجه ۴۴ سانتی ګراد ته لوړه شي.
نور ولولئ: اسپانیا کې اورلګېدنه؛ زرګونو خلکو خپلې سیمې پریښي
په سیسلي او پوګلیا کې اورلګېدنې زرګونه خلک تېښتې ته اړ کړي دي. تېز بادونه او تندر د دې لامل شوی، چې د اور وژونکو چارې لا سختې شي. تر دې دمه ترټولو لویه مرګ ژوبله په الجزایر کې رامنځ ته شوې ده.
د الجزایر په ختیځ کې د بیجایا په ساحلي ولایت کې ۳۴ کسان وژل شوي، چې ۱۰ تنه یې سرتېري دي.
دوی هغه مهال د مرګ په دام کې ولوېدل، چې د تېښتې پرمهال د اور لمبو ګرد چاپیره اېسار کړل.
خپله بیجایا هم زیاته زیانمنه شوې ده هالته ۲۳ کسان وژل شوي دي.
د یاد لګېدلي اور د اورژنې هڅې
د الجزایر چارواکو ویلي، چې د یکشنبې ورځې راهیسې یې ۸۰ سلنه اور خاموشه کړی دی خولا هم د اور وژنې چارې روانې دي اوشاوخوا ۸۰۰۰ پرسونل، سلګونه د اور وژنې ماشینونه او د اور وژنې الوتکو په مټ ترسره کېږي.
د بي بي سي خبریال له یوه سړي سره خبرې کړې چې رستورانت یې د اور لمبو کې اېرې شو. د رستورانت څېښتن عادل ال سیلمي وايي:”اور لمبې چې را نژدې شوې موږ رستورانت پرېښود. ”
نور ولولئ: کاناډا د ځنګلونو له اور سره د مقابلې په برخه کي مرسته غوښتې
تیره اونۍ په تبرکه کې د بې سارې تودوخې پر مهال د اوبو کمښت چارې لا سختې کړې وې. ښاغلی سیلمي وايي:” د لرګیو ودانۍ له نړيدو وروسته تر څو ساعتو موږ نه شوی کولی اور یې مړ کړو. ” نوموړی زیاتوي:”ما ۲۲ کسان په کار کمارلي وو. زه نه پوهېږم له دې ناورینه څنګه ځان رابهر کړم.”
له اغېزمنو سیمو د لسګونو زره کسانو وتل
د رودېس ټاپو په سویل کې له کورونو او استوګنځایونو څخه له ۲۰ زره ډېر کسان په وروستیو ورځو کې اېستلشوي دي .
د هوايي ډګر یوه چارواکي ای اېف پي خبري اژانس ته ویلي، له دې ځایه د یکشنبې او سه شنبې ترمنځ له ۵۰۰۰ زیات کسان په ۴۰ بېړنیو الوتونو کې خپلو کورونو ته ستانه شوي دي.
د ایټالیا شمال وژونکو طوفانونو ځپلی، سیسلياو ځینې سویلي سیمې د ځنګلي اورونو ځپلې دي.
د سیسلي په ختیځ کې یو ۹۸ کلن سړی په خپل کور کې په اور کې اېسار پاتې و کله چې لور او د لور خاوند یې د هغه د ژغورنې هڅه کوله خپله په اور کې وسوځېدل.
د ایټالیا د اډریاټیک ساحل په فوګیا سیمه کې هم اور لګېدلی چې ۲۰۰۰ کسان یې له هوټلونو او کمپونو اېستلو ته اړ کړي دي.
