د معیار او کیفیت ادارې پلاوی روسیې ته ورسېد؛ په نړیواله غونډه کې ګډون کوي
د معیار او کیفیت ادارې پلاوی د روسیې کازان ښار ته رسېدلی، څو د اسلامي هېوادونو د معیارونو او مترولوژۍ انسټیټیوټ په کلنۍ غونډه کې ګډون وکړي.
د افغانستان د معیار او کیفیت ادارې دوه کسیز پلاوی د روسیې کازان ښار ته رسېدلی دی، څو د اسلامي هېوادونو د معیارونو او مترولوژۍ انسټیټیوټ (SMIIC) په کلنۍ عمومي غونډه کې ګډون وکړي.
د یادې ادارې د معلوماتو له مخې، په دې پلاوي کې د ادارې تخنیکي مرستیال مولوي محمد آصف قانت او د دفتر رئیس مولوي وحید احمد بدري شامل دي.
د معیار او کیفیت ادارې پلاوی په کومو موضوعاتو خبرې کوي؟
ټاکل شوې چې دغه نړیواله غونډه د ۲۰۲۶ کال د اکتوبر له ۲۶مې تر ۲۸مې پورې د روسیې په کازان ښار کې دوام وکړي.
په غونډه کې به د انسټیټیوټ د کلنیو فعالیتونو، بودجې، اوږدمهالې ستراتیژۍ او د غړو هېوادونو ترمنځ د تخنیکي همکاریو د پراختیا په اړه بحثونه وشي.
د معیار او کیفیت ادارې پلاوی به د دغو بحثونو په ترڅ کې د مسلکي همکاریو د پیاوړتیا او له نړیوالو تجربو څخه د ګټې اخیستنې فرصت ولري.
په نړیواله غونډه کې د افغانستان د ګډون موخه
د افغانستان د معیار او کیفیت ادارې ویلي چې په دې غونډه کې د ګډون اساسي موخه د مسلکي او تخنیکي همکاریو پراخول دي.
د ادارې په وینا، له نړیوالو تجربو څخه ګټه اخیستل او د معیارونو په برخه کې د همکاریو پیاوړتیا د دغه سفر له مهمو موخو څخه دي.
د معیار او کیفیت ادارې پلاوی په داسې غونډه کې ګډون کوي چې د اسلامي هېوادونو ترمنځ د معیارونو، اندازهګیرۍ او تخنیکي همغږۍ اړوند موضوعات پکې څېړل کېږي.
