په نړۍ کې امکانات او لګښتونه متفاوت دي، د نورو امکاناتو او لګښتونو تر څنګ د اوسېډو د ځايونو لګښت او د کرايه ورکولو نرخونه هم متفاوت دي. نن په دې ليکنه کې تاسې د نړۍ په بېلابېلو ښارونو کې د يوه اپارتمان چې يو حمام ولري د کرايې لګښت په اړه پوهیدلی شئ

۱- شارجه:

د متحده عربي اماراتو په شارجه ښار کې د يوه اپارتمان چې يو حمام ولري مياشتنۍ کرايه ۶۵۴۹ امریکايي ډالره ده چې په ټوله نړۍ کې د لوړ قيمت ريکارډ له ځان سره لري. د متحده عربي اماراتو شارجې ښار ته زياتره خلک د سياحت لپاره ورځي، د سياحت تر څنګ د هندوستان، پاکستان، بنګلادیش، افغانستان او نورو وروسته پاتې هېوادونو خلک د کار کولو لپاره ځي او د خپلو کورنيو لپاره درآمد لاسته راوړي.

۲- نيويارک:

د امريکا متحده ايالاتو په نيويارک ښار کې د يوه حمام لرونکي اپارتمان مياشتنۍ کرايه ۳۸۸۴ امريکايي ډالره ده چې په دې لېست کې له شارجې ښار وروسته دويم ځای لري. د امريکا متحده ايالاتو نيويارک ښار يو تجارتي ښار دی او زياتره سياحين او ليدونکي يې نړيوال سوداګران دي.

۳- سينګاپور:

په سينګاپور هېواد کې د يوه حمام لرونکي اپارتمان مياشتنۍ کرايه تر نيويارک ښار وروسته ۳۶۲۱ امريکايي ډالره ده. سينګاپور هېواد په جنوبي آسيا کې موقعيت لري او د آسيايي پړانګ په نامه مشهور شوی دی. په دې وروستيو کې سينګاپور هېواد ته ورتلونکي سيلانيان ډېر شوي دي.

۴- سن فرانسسکو:

د امريکا متحده ايالاتو په سن فرانسسکو ايالت کې يو حمام لرونکی اپارتمان د يوې مياشتې لپاره په ۳۲۷۸ امريکايي ډالره کرايه کيږي چې د نړۍ په کچه ځلورم لوړ قيمت بلل کيږي. په سن فرانسسکو ايالت کې د سيلانيانو لپاره ښکلي ځايونه شته چې د نړۍ له بېلابېلو هېوادونه خلک چکر ته ورځي.

نور ولولئ: سویلي آسیا ته د سفر لپاره غوره جامې

۵- هملټون:

د کاناډا په هملټون ښار کې يو حمام لرونکی اپارتمان د يوې مياشتې لپاره په ۳۱۲۵ امريکايي ډالره کرايه کېدای شي چې د ټولې نړۍ په کچه پنځم مقام لري. په کاناډا هېواد کې هملټون ښار تر نورو ځايونو ډېر سيلانيان لري.

۶- بروکلین:

د امريکا متحده ايالاتو په بروکلین ښار کې د يوه حمام لرونکی اپارتمان په ۲۷۸۳ امريکايي ډالره کرايه کيږي.

۷- بوسټون:

د امريکا په بوسټون ښار کې بيا يو اپارتمان چې يو حمام ولري په ۲۷۳۷ امريکايي ډالره کرايه کيږي.